[A:37a]nas kyang legs par gzigs shing gtan la phab pas/ thugs yid ches pa'i nges par 'drongs nas/ rtogs ldan pa la sa'i dpyad rnams legs po 'dug cing / sa dmigs kyang skabs la bab par 'dug pas/ nged dpon slob rnams gza' skar bzang po la mkhar lan mdzad par phebs 'byon pa yin gsung nas nyan po la thegs te/ chos kyi rje thams cad mkhyen pa'i spyan sngar gsol ba/ gol ma'i [C:332]lung pa de ni dben zhing yangs la nyams dga' bar phyogs thams cad spang ri yid du 'ong ba ku sha'i myu gus gang ba la spang rgyan la sogs pa'i me tog bkra bas mdzes pa/ bar bar na brag ri cung zad 'dug pa rnams kyang mdzes pa'i ched du lha dag gis bkod pa lta bu/
phyogs g.yas g.yon gnyis nas 'bab chu cung zad re 'bab pas bskor ba'i dbus ne'u sing yid du 'ong ba me tog sna tshogs dang chu mig rab tu mang pos brgyan pa'i dkyil stod kyi thad na/ sa skam po 'bur du dod pa gzims khang dang chos khri'i dmigs yul 'os pa dang / de dang 'brel ba na sa'i sdings chen po gtsug lag khang 'du khang dang bcas pa'i sa dmigs su 'os pa yang 'dug /shar gyi stag skya'o sogs phyogs kyi sa bdag bzhi yang tshang [B:71] mar 'dug /ri'i rtse mo ma nyams shing phu bags kyis gzhol bas 'phrin las kyi rgyun chu bo ltar ring ba'i sa'i dpyad dang / byang shar gyi phyogs na brag ri dung 'bur du dod pa 'dra ba zhig 'dug pas snyan pa'i grags pa phyogs thams cad du sgrog pa'i sa'i dpyad dang / mda' phyag rgyar bsnol zhing / khyad par du ri sna dmar po dpal tshogs kyi bdag pos glang po che'i sna brkyang ba lta bus bskyor ba'i ngang tshul can/ longs spyod zad mi shes pa rgyun par 'byung ba'i sa'i dpyad la sogs pa yid la