[A:42a]chos rdzong du thams cad mkhyen pa blo gros bstan pa'i sku gdung gi bzhugs khang zangs gser las grub pa'i rnam rgyal mchod rten mtho bcu yod pa 'di dang / gzhan yang yul phyogs mang por rten gsum bsam [C:343]gyis mi khyab pa bzhengs par mdzad pa sogs brjod kyi mi lang ngo / /
bstan pa yun ring gnas pa'i gzhi dang rten/ /
ma lus dge 'dun 'dus pa'i sde chen po/ /
ngo mtshar sku gsung thugs rten dang bcas pas/ /
yangs pa'i sa chen mtha' dag khyab par mdzad/ /
khyod kyi snying stobs phrag pa mthon po la/ /
yongs rdzogs bstan pa'i khur chen rab bzung ste/ /
bar chad dgra las rtag tu rgyal ba yi/ /
rnga chen srid pa gsum na lhang nger grag/ /
klog spong las kyi dkyil 'khor yongs gang nas/ /
phan bde'i 'od dkar bye ba phrag brgya yis/ /
thub bstan nor 'dzin ma lus gsal mdzad kyang / /
bdud gnas mun pa'i gling du khyod kyis sbas/ /
bstan dang 'gro la gang phan sa yi mdud/ /
mtha' dag thugs rje'i dpung pas rab bzung [B:80] ste/ /
dam chos klog pa'i dga' ston 'gyed mkhas pa/ /
chos kyi sa skyong dbang po khyod lags so/ /
de dag ni bstan pa'i gzhi rten du chos grwa che bran dang dge 'dun gyi sde btsugs shing sku gsung thugs kyi rten rmad du byung ba rnams bsgrubs pa'i tshul che long tsam brjod pa'i gtam gyi rba rlabs gyen du bskyod pa'i rim pa'o// //
sku mya ngan las 'das pa'i tshul bstan pa'i gtam/ 1458
de ltar bstan pa dang sems can la phan bde'i mdzad pa nam mkha'i mtha' gru gzhal ba lta bus gdul bya rnams smin par mdzad bzhin pa'i ngang nas/ mnyes thang du sku khams cung zad ngan du song ba'i tshul bstan te/ gser gdung la rab tu gnas pa legs par bsgrubs nas/ stag lo hor zla drug pa'i nang du nA lendrar