[A:42b]dbyar chos 'dzugs par thegs pa'i zhar la/ po Ta la'i shar phyogs kyi [C:344]dgon gsar der phyag drug pa'i sku la rab gnas gnang bas phyag nas zug pa dang / me tog gi char babs pa sogs byung / snying po rdzong zhol du zhagszhag mdzad pas gzim gur la 'ja' tshon sna lnga gsum rim du 'khor ba byung / de nas sgo la'i thur 'bebs pa sku ngal bar dgongs te rin sdings kyi thad la phebs/ rtogs ldan rdor bkras pas mjal du sku khams ngan pa'i tshul rnams ma bzod par gdung shugs chen pos gsol ba btab pas byin brlabs kyi stobs kyis dge sbyor la bogs cher thon pa byung / de nas gzims khang gong mar gdan 'cha' bar mdzad/ rtse'i dkar phibs su yol ba'i rim pas bskor nas bzhugs/ zhag par sku ngal brten te/ tshes bcu bzhi nas dbyar chos lho phyogs kyi rab gsal nas gnang bas/ chos btsug pa'i nyin nam mkha' sprin dang bral ba'i mthongs nas me tog gi char bab pa nyi ma'i dkyil 'khor gyi thad du phub tsam dkar po shas che ba'i kha dog sna tshogs 'khor zhing lding zhing bab pa sa la lhung nas kyang che shos rnams sen mo tsam/ de las chung ba'i tshogs bsam gyis mi khyab pa chos ra ba rnams kyis bzung nas thum por gtums pa mang [B:81] po byung bas kun ya mtshan par gyur to/ /rdog bde phur bzhugs dus mtshan mo gzims gur 'jas 'khor ba'i skad cha de ri bo dge ldan du grags pa na/ chos rje kun bkras pas gsol ja ja 'dren dang bcas te mtshan mo gzims gur la 'ja' zug pa'i tshanmtshan 'di legs par mi semsems pas/ thugs dam dang sku rim la thugs rtsol gnang dgos pa'i snyan bskul 'bul bar bya ba dpon po nam mkha' [C:345]lhun grub pa btang byung dus bka'