[A:44a]rnams kyang snying rje bar 'dug /nged rang kyangyang 'jing pas mgo mi theg pa'i lus 'di 'dra dor nas/ sa gtsang zhig tu btsun chung dbang po dngas po cigzhig tu skye ba blangs/ slob gnyer byas nas bstan pa la phan 'dogs pa dga' bar 'dug /de lta na'ang rim gro byas pa dge ba'i rtsa ba yin pas skyon med cing legs/ dge 'dun gyi phyogs su sbyin gtong rgya chen po gyis" gsung pa tsam las/ zhal gyis 'ches pa ma gnang / de rjes su/ thugs dam 'ba' zhig la bzhugs nas/ 'jig rten dang 'brel ba'i bka' lung cher mi gnang / snyung zug drag po byung ba'i dus su'ang ting nge 'dzin kho na la snyoms par zhugs te/ chos kyi dbyings su bsre ba lhur mdzad/ gsol sman sogs zhus pa'i tshe na'ang / nged la ni/ sman 'dis phan pa dang gnod pa gang yang med mod kyi/ ro mi zhim pa tsam ni stong nyid du sbyangs pas dge sbyor gyi grogs su 'gro/ khyed rnams bsam pa gang ba'i phyir du 'thungs pas mchogchog gsung ba tsam las/ bza' bar gtogs pa'i gsol ba sogs ni ye nas mi bzhes/ mar dkar dang sbyar ba'i gsol thug ja sun tsam lan gnyis re dang / ja nag sun chung chung gis dus [C:348]gsum du skyems gsong bar mdzad/ sku bsrang ste spyan phyed zim gyi tshul du mi rtog pa 'ba' zhig la bzhugs/ skabs la lar gzungs sngags zab mo bzla ba'i tshul kyang mdzad/ thun mtshams su thugs dam bdag 'jug gi rim pa rnams dang / mchod gtor bskang gso la sogs pa mtshan bcas kyi thugs dam rnams kyang sku khams snyoms dus ji ltar mdzad pa las cung zad kyang ma chag par mdzad pa sogs/ zhabs 'bring ba rnams mi ngal ba'i thabs kyi bka' drin brtsalbstsal/ sku'i rim gro rgya chen po bsgrubs