[A:44b]pa'i longs spyod kyi yo lang rnam thos kyi bu'i 'byor pa lta bus 'dus pa'i dge 'dun gyi tshogs chen po ni dbyar gyi rgya mtsho ltar gang bar gyur to/ /nyi [B:84] shu lnga'i nyin sman pa'i rgyal po zhal gzigs dus/ sman rgyal la mchod pa bshoms gsung zhing smon lam mang po mdzad pa dang bstod pa mdzad nas/ de ma thag zhal gzigs thang sku'i bkod pa'ang sku zhal la bka' rtsal nang tshun du sku'i rnam 'gyur/ spyan gyi gzigs stangs/ gsung 'byon gyi rim pa la sogs/ gang la dpags rung dag pa'i snang ba 'ba' zhig 'khor mar shar ba'i tshul mdzad kyin 'dug /nyi shu dgu'i nyi ma zer khar 'od dpag med gtso 'khor lnga zhal gzigs nas stodbstod pa mdzad de/ zhal gzigs thang sku'i bkod pa/ chos rje kun dga' dpal ba la bka' bstsal/ de bzhin du phyag thugs kar thal mo sbyar nas thub dbang la mchod pa bshoms gsung ba dang / rnal 'byor dbang phyug dang / rje sa chen dang / chos rje bla ma dam pa sogs la bstod pa thung tsam re zhal 'don du mdzad pa [C:349]dang / byams pa la mchod pa bshoms gsung ba dang / 'jam dbyangs la mchod pa bshoms/ sgrol ma la mchod pa bshoms gsung ba dang / chos rje thams cad mkhyen pa phebs byung / phyag phul gsung pa dang / nam mkha' la bltos dang / ci 'dra mthong 'dug gsung pa sogs las/ tha mal pa'i bka' lung ni cher mi snang / sku mdun pa rnams kyi nyams snang la'ang lha tshogs mang po'i dbus na yod pa snyam byed cing / ngal ba'i snang ba nub pa tsam byung / zla ba dgu pa'i tshes gsum la/ bla ma'i sku gang 'grub rnams la rab gnas kyi grabs gyis gsung ba bzhin/ sbyang ba dang gzungs bzhugs byas nas/ sku drung du mchod gral la bsgrigs/ phro'phro can rnams