[A:46b]nam langs kar/ rje'i bka' lung la/ mchod bshoms gzabs pa cigzhig gyis/ mal sar dge sbyor byed pa 'di mi bde ba 'dug pas/ byang phyogs kyi mthongs 'dir sum gdan gnye 'bol zhig bshoms gsung nas/ tshes brgyad kyi nam mkha' gsal ma thag bzhugs gdan de la bzhugs/ khyed rang gnyis phyir song / dge sbyor tshar ba'i brda [C:353]'byung dus shog gsung zhing / lam zab bla ma'i thugs dam gsung gsal bar bzhugs/ nyi ma shar ma thag gsol thug gi grabs byas nas thugs dam gyi gseng lta bar phyin dus/ spyan zim mer bzhugs 'dug pa la dal bus nyams sad pa na/ cung zad yid ma ches par/ gzhan rnams la sbran nas phyin dus sku drang por bsrang / phyag thugs kar bsnol/ zhabs rdo rje skyil mo dkrung du bzhugs te/ dgongs pa chos kyi dbyings su bzhugs tshar 'dug pas/ cung tsam nas ga bur la sogs pa'i dri bzang gis sku yog par byas/ dbu la rigs lnga dang / sku la rnam sbyar [B:88] gsol/ phyag tu rdor dril phul nas/ sku'i ngo bo la bsgul bskyod cung zad kyang ma byas pas sngar gyi bzhugs stangs de kho nar bzhugs su gsol te/ mchod pa'i sprin gyi phung po lha dang mi'i 'jig rten du dper bya ba las 'das pa tsam rgya cher bshams so/ /de'i nyin nas me tog gi char sngar bas cher song / gser dang dngul las byas pa'i me tog kyang mang du bab pas/ phyogs rnams su ni 'phan yul lung pa me tog gis gang 'dug bya ba'i gtam grags par gyur cing / re shig gi bar gsang thabs kyis sku'i rim gro yin pa ltar/ tshogs su mang ja dang / nang du bsgrub mchod sogs byed cing gsol ba btab pas/ sku 'od dang gzi mdangs rab tu rgyas pa'i shangs nas/ byang sems dkar dmar gyi rgyun