[A:60]zhugs gsungs pas/ rgyal po 'khor dang bcas pa shin tu skrag te/ slob dpon gyi zhabs spyi bor blangs nas ci gsung ba bsgrub pas/ thugs rjes 'dzin par zhu zhus pas/ dmigs pa med pa'i snying rje chen pos rjes su bzung nas/ rgyal 'bangs thams cad rdo rje'i theg pa la bkod do/ /
de nas lho phyogs na mu stegs kyi lha bh-i me sa ra la nyi ma re la srog chags dpag tu med pa bsad cing mchod pa de 'dul du gshegs pa'i lam du/ gru mkhan la nga sgrol bzlas pa/ sla khyer la shog zer/ khyod tshim par bya yi sgrol bzlas pas/ sngon la sla 'dod zer chu bo 'di don du gnyer ba yod dam med dris pas/ rgyal po li ha ra'i pho brang bskor la sogs chu 'gram na yod pa rnams chu bo don du gnyer/ pha tshad pa mtho sa na yod pa'i zhing pa rnams chu bo don du gnyer te re dgos mang po yod zer ro/ /'o na khyod la chu bo nyid gru slar sbyin no gsungs nas/ sdigs mdzub sgreng pas chu bo gyen la log pas rgyal po li ha ra la sogs pa chu 'gram gyi mi thams cad gru sar lhags te/ cis lan shes sam 'dri/ rgyu mtshan snyad pas thams cad kyi gser dngul rta glang / sman ras 'bru la sogs pa dpag tu med pa phul nas/ gnod 'tshe med par chu bo sngar bzhin 'bebs par zhus pas/ se gol gcig rtogs pas chu bo sngar mal du 'jam por 'bab pas/ thams cad ngo mtshar du gyur to/ /de'i tshe'ang glu blangs/ yo byad rnams gru sla la byin pas/ zhabs spyi bor blangs te rjes su 'brang bar zhus pas gnang ste/ phyag phyir 'brang ba ni nag po pa'o/ /yo byad rnams