[A:59]brog sbur la sogs pa'i sems can mang po 'phur cing zhal du btab pas/ thams cad na re ngan pa ngan pa zer/ ha byas pas thams cad kha nas spur nas gtang kyang ngan pa ngan pa zer/ kye ma bdag ni ngan pa ste/ sems can mang po 'phur nas zos kyang ngan pa ngan pa zer/ /srog chags mang po bsos nas spur kyang ngan pa ngan pa zer/ /bdag gi bya ba gang yin bdag gi ma shes bstan du gsol/ /'di ltar bgyis zhes bstan par mi nus de dag ngan par 'gyur/ /zhes gsungs pas/ dar gcig na rgyal pos gshed ma la gtod par 'dug gi zer/ rgyal po'i drung du sleb pas phyag gis zer ma byas/ khyod su yin zer lan ma smras pas/ rgyal po na re/ 'di la dbang phyug gi rtags gang yang mi 'dug pas/ gshed ma rnams kyis yan lag rnams lcags sgrog gi sdom la ganggAr 'bab pa'i chu bo chen por skyur cig zer/ de ltar byas te bskyur bas/ gshed ma rnams kyi sngon la rnal 'byor pa rgyal po'i drung du sleb/ yang yang bskyur kyang kho'i sngon la sleb/ der rgyal po na re/ yan lag lnga byang khog la lcags sgrog gis sdom la dong du bskyur gsungs/ de ltar byas pas lcags thag thar thor du bcad/ dong hral hrul du bshig nas 'thon/ rgyal po'i pho brang 'jigs pa tsam du sa g.yos khyad nor gser gyi pha bong dkar po mdzod kyi gting nas ri'i rtse mor gyen la 'gril bas/ rgyal po skrag mdangs nas/ slob dpon gyi drung du song ba la/ slob dpon gyis/ khyod kyi nus mthus nga la gnod mi 'gyur/ rdo rje theg pa'i sgo ru 'jug na