[A:67]lhug byung ste/ gtsug lag khang thams cad dbugs ngan gyi dri nga bas gang / slob dpon gyis rten gnyis la sdigs mdzub bstan pas/ tri shu la 'dar sig sig tsan ti ka par par byed/ thal mo rdabs pas tri shu la rdul phung du song / tsan ti ka'i spyi bor thal mo bsnun pas/ mgo bo byang khog tu thim pas rnal 'byor ma thams cad brgyal/ brgyal ba sangs pa dang / thams cad kyis slob dpon gyi zhabs spyi bor blang nas/ nang pa sangs rgyas pa snying rje che ba lags na/ rten mi bshig par zhu zhus pas/ sems can la 'tshe ba spangs te dkar gsum mngar gsum gyi phud kyis tsan ti ka'i spyi bo'i sangs rgyas kyi sku mchod/ de'i lhag ma tsan ti ka de'i lhag ma khyed rang rnams longs spyod par dam 'cha' na/ mi shigs gsung pas dam bcas te ma bshig go /
de'i tshe nag po pa'i bshad khrid rnams yongs su rdzogs pa sgrub pa'i lung byin/ rdo rje tshig rkang brjed thor yi ger btab/ nyid dang nus mthu mnyam par byin gyis brlabs te/ shin tu spros med kyi spyod pa skyong zhing u tsa ya na la sogs pa'i dur khrod gnas chen rnams 'grim shing / shar phyogs su byung la mu stegs pa'i rgyal po 'dod chags chos su smra ba dhe ha ra thul la/ 'bangs 'khor dang bcas pa rdo rje theg pa la tshud la/ sems can gyi don gyis shig gsungs nas btang ba ltar spyod pa skyong zhing byon nas/ kan dha ri'i nags khrod du bsgrub pa zla ba gsum kha bskang pas/ mngon shes dang rdzu 'phrul mnyes te/ slob dpon chen po kam pa nag po pa/ rgyal po dha ha ra'i btsun mo