[A:72]pas lag mgo chad de 'phral la shi/ rgyal po la shes skyon byung nas grongs pas/ shin tu snyan pa'i grags pas sa'i steng thams cad khyab bo/ /rdo sku'i zhal du nyi ma gcig la chang khal stong blugs kyang sim nas 'gro/ gdong drug pa la 'bul ba'i srog chags rnams kyi phud sum gnyis ghu tsa rad du yan par stong pa dpag tu med pa 'phel yod de/ mi ngan lta ci smros/ gcan gzan gyis kyang gsod mi phod/ shi ba'i sha mi phongs dang gcan gzan gyis za'o/ /rdo sku de'i mtshan nang pas bha la na tha stobs kyi mgon po zer/ khong gis phyi ba'i stobs bcom shing phrogs pas/ bha la ha ra stobs 'phrog zer/ bstan pa'i zhabs tog dang sems can gyi don la lan gsum 'dzam bu gling du 'byon par 'gyur zhes kyang zer bar gda' 'o/ /
nag po pas rnal 'byor dbang phyug gi gsung ltar dha ma la'i don du u rgyan byang chub chen po nas rdo rje tshig rkang gsal bar byed pa'i lung skor gsum la sogs rgyud 'bum pa nas gdan drang / dha ma pa rgyud byin gyis brlabs te/ rlung las rnam rgyal gyi brag phug la sogs su bsgrubs pas/ mngon shes rdzu 'phrul brnyes te/ u tsa ya na'i dur khrod la sogs su shin tu spros med kyi spyod pas 'khor 'das ro mnyam ste/ sangs rgyas kyi bstan pa'i zhabs tog dang / sems can gyi don dpag tu med pa bsgrubs nas/ nag po pa'i gsung gis ma gha ta'i rgyal po seng ge rnam par rol ba'i rgyud byin gyis rlobs shig gsungs nas/ dha ma pas ma ta nar byon pa'i snyan pa chos kyi rgyas pos gsan te pho brang du gdan drangs/ zhabs tog bsnyen bkur