[A:53][B:1b]pa na rgyal sar bskos pas/ sku bsod nams dang mnga' thang rgyas/ glang po che lnga stong la longs spyod par gyur te/ lo bdun nas bud med kyi rang mtshan bstan par gyur lo/ /
rgyal sras gser gyi 'khor lo can shar phyogs so ma tsa ra'i gtsug lag khang na nyan thos rtsa ba'i sde bzhi yod pa las thams cad yod smra'i sde pa'i mkhan po dul ba'i lha dang / slob dpon rgyal ba grags pa las rab tu byung / mtshan shrI dharmA pa lar gtags/ slob dpon de sgra tshad dang sde snod bzhi mngon pa phar phyin dbu ma la sogs phal che'i slob gnyer grub nas/ mkhan slob dge 'dun dang bcas pa la bsnyen bkur dang 'bul ba chen po mdzad/ rdo las byas pa'i gzim khang bde mo gcig yod par/ dkon mchog gi rten gsum la mchod pa bzang po'i gzhi rten phun sum tshogs pa la dkon gnyer gcig bskos/ yab yum gyi sdig [B:2a]sbyongs tshogs bsog la dmigs/ de dus na sangs rgyas kyi bstan pa'i rtsa ba lta bur dpal na lendra grags nas der byon/ thams cad yod smra'i sde pa'i mkhan po rnam par rgyal ba'i lha la sogs pa'i drung du bsnyen par rdzogs par mdzad/ 'dul ba'i sde snod cha tshang ba la shin tu mkhas par mdzad pas/ gnas lnga rig pa'i paNDi ta chen por gyur pas/ mkhan po'ang shin tu mnyes te/ sangs rgyas myur du 'grub par byed pa gsang sngags yin/ nga 'khor lo sdom pa la mkhas pas dad na sbyin no gsung / rjes su 'dzin par zhus/ shin tu gsang nas dbang bzhi rdzogs par bskur/ gsang mtshan rin chen rdo rjer btags/ dbang chos rnams