[A:54]tshar ba dang / byin brlabs dang bskyed rdzogs rnams zung 'jug gi gdams pa gnang nas/ grangs rtags dus kyi bsnyen pa bskyal/ de'i dus su mkhan po 'da' ba'i zhal chems la/ shrI dhArmA pa la nga bas kyang mkhas bzang btsun yon tan dpag tu med pa mnga' bas/ spyir na lendra'i tshogs dpon/ sgos nga'i gdan sa byed par zhus/ bla brang 'khor thams cad gtod/ bkur bar 'os pa yin pas thams cad kyis nga bas kyang lhag par khur la gus par gyis shig gsungs nas 'das/ gdung bzhu bas ngo mtshar gyi bltas dpag tu med pas bstan pa'i zhabs tog dang / gdul bya'i 'dren pa chen por gyur to/ /der rgyal po yon mchod dang bcas pas mkhan po'i zhal chems ltar slob dpon shrI dharmA pa la la zhu rten chen po mdzad de/ na lendra'i bla chos par bkos/ rigs mchog tu gyur pas rgyal po yab yum sras lcam blon po thams cad kyis chos zhus/ [B:2b]na lendra'i bla ma dge 'dun thams cad dang / rgyal khams kyi mag tsha zhang sru khyim bdag sde dpon chen po thams cad kyis chos zhus pas/ mkhan po'i gsung ltar gyur pas/ nyin mo 'chad rtsod rtsom pa la sogs pa gzhan don dang / mtshan mo bsgom sgrub la shin tu brtson par mdzad pas/ nad gdon gsar pa zhugs/ rnying pa langs/ rtog ngan 'khrugs te/ rkyen ngan sna tshogs kyis lus ngag yid gsum gdung / lan re mda' nas me chen po 'bar/ phu nas chu chen po 'khrug sa chen po g.yos/ steng nas 'brug drag po dang bcas te/ mtshon cha'i char pa chab grom dang rdo'i se ra tso skar mda' thog la sogs pa