[A:57]dam rdzas bsgrubs te/ lam thun bzhi la dbang bzhi bsgom pas zhag re la sa re'i rtogs pa 'khrungs te/ tshes lnga tshun bcad la sa bdun gyis rtogs pa 'khrungs/ sha chang khyer 'gro ba slob ma rnams kyis mthong ste/ sgo seng nas bltas pas la las bud med brgyad dang / la las bco lnga dang lhan du gnas pa mthong / la las mar me brgyad kyi/ la las bco lngas bskor ba mthong / thams cad the tshom zos kyang bla ma chos pa mkhan po chen por gyur pas ltung ba gleng bar ma phod kyang thams cad shin tu ma dad par gyur to/ /de thams cad nyid kyi thugs kyis legs par dgongs te/ bstan pa la smod pa spangs shing / rang nyid ngan par khas blangs te/ spyod pa bskyang ba'i phyir chos gos smad gsum mkhar sil lhung zed la sogs dkon mchog gi spyan sngar phul/ aM ga rag dkar po cig gsol te/ me birWa pa zhes brjod nas mchong rgyug se skor byed cing ha ter byon/ me tog 'tshong ba rnams la blang ste phreng ba rgyus thod du bcings/ lo ma dang la phug tshong ba rnams la blangs/ la la zhal du gsol/ la la phyag tu bsnam nas la la do shal du byas/ mthar chang 'tshong dang gzugs 'tshong ma'i gnas su'ang byon pas/ grong khyer ba rnams ha las dge 'dun thams cad ngo tsha grags te/ rnga dang 'khar rnga gnyis ka brdung / rol mo sna tshogs dge 'dun gyi gser phreng dang bcas pas gnas nas bskrad de/ phyir 'ong du med pa'i bka' khrims bcas so/ /de'i dus su slob dpon gyi glu blangs pa logs su shes par bya'o/ /
dge 'dun yon mchod rnams