[A:56]su ma bzung pas ting nge 'dzin du ngo ma 'phrod/ lam du khyer ma shes pas nyon mongs nas yid chad pa yin te/ dang po nad gdon sna tshogs kyis bzir ba khams 'dus pa dang po rlung gtum mo'i drod rtags rtsa rlung zung 'jug min/ gnyis pa 'brug dang thog ser la sogs pa khams 'dus pa bar ma thig le bde stong ye shes mkha' 'gro dang dam tshig mkha' 'gro'i nyams gsum pa bla ma rnams kyi rnam 'phrul mi 'tshams pa sna tshogs kyi dngos po'am/ mtshan ma las blo log pas dbu mthur du bstan pa khams 'dus pa tha ma skyon med gnyug ma ye shes kyi nyams/ da dbang bzhi thob/ lam bzhi'i nyams rtogs ngo sprod/ de lam du srol cig gsungs pas/ nyin zhag dgu la drod gsum/ rtse mo gsum/ bzod pa gsum/ 'jig rten chos mchog gi nying 'tshams sbyar nas/ nyi shu dgu'i nub mo phyi nang gsang ba de kho na nyid kyi bdud bzhi thul bas dbu ma'i bdud kyi mdud pa dang po grol nas 'gros bzhi thim pas/ mthong lam gyi ye shes sa dang po rab tu dga' ba brnyes te/ de ltar dbang bzhi rdzogs par bskur bas dbang gi chu bo ma nub/ sa dang po'i rtogs pa rgyud la skyes pas byin rlabs kyi brgyud pa ma nyams/ sngar gyi mi 'tshams pa sna tshogs ting nge 'dzin du ngo 'phrod pas gdams ngag gi sarga ma log bla ma'i bka' drin gyis da sangs rgyas byon kyang spros pa gcod rgyu mi 'dug bsam pas mos gus kyi bsam pa tshim pas snyan rgyud bzhis gdams shing byin gyis brlabs so/ /de dag gi rtogs pa gong nas gong du bogs dbyung ba'i phyir/ bla ma mkha' 'gro mchod pa'i