[A:58]ma dad pa bzlog pa/ bstan pa la smod pa spang ba/ bdag gi nus mthu bstan pa'i phyir dang / nyi ma zla ba gzas zin pa gsum gyi 'gyur ba gyen du zlog pa'i rten 'brel gyis/ wa ra Na se'i rgyal po 'dul du gshegs pa'i lam du/ ga ga la sdigs mdzub bstan nas nga ngan pa yin na lam phye gsungs pas/ slob dpon gyi thad ka nas chu gyen la log te/ lam phye bas de'i tshe'ang glu blangs so/ /der thams cad kyis grub pa thob par go ste/ zhabs la phyag 'tshal zhing log par btags pa rnams bzod par gsol/ dge 'dun rnams kyi'ang bzod par gsol te/ bzhugs par zhus pas khong rnams la thugs brtse bas bzod pa bzhes/ bzhugs su ma gnang / rgyal po go ma tsaNDa'i mnga' ris wa ra Na si thams cad mu stegs 'ba' zhig yin pa/ de rnams sangs rgyas kyi bstan pa la bzud pa'i phyir/ de'i nags 'thug po gcig gi dbus su bsam gtan lo gsum mnyam par gzhag pas/ mdog nag spyan rtsa dmar/ dbu skra ring por gyur pas 'jigs su rung bar gyur pa mi rnams kyis mthong bas la la na re sangs rgyas pa/ la la na le mu stegs pa yin nam zer ba rgyal pos gsan pas/ nyul le ma rnams la su yin dris legs par rtogs/ mu stegs pa yin na 'o rgyal bas bla mchod gyis/ nang du gdan drong / sangs rgyas pa yin na bstan pa la gnod pa skyal dogs yod pas bskrod la thongs gsungs/ dris pas lan mi ster/ brtag pas ngo ma shes/ zhes rgyal po la zhus pas/ ngas brtag gi drung du bos la shog gsungs/ bos 'ong ba'i lam du 'bu sbrang dang