[A:18]'dug gsung / des na
byis pa chung ngu nas klog la sogs pa tshegs med par lobs/ spyod phyogs dang dbu ma shar gsum du ming btags pa rnying ma'i bshad pa kun skye ba snga ma'i bag chags sad pa'i stobs kyis ma slabs par legs par mkhyen te/ gzhon nu'i dus nas bshad pa mdzad pas grags pa chen po byung gsungs/ de ltar thos pa 'dzin pa'i bdag nyid chen po des/ mu gu lung du byon
dbang bskur ba zhus de tsam na mtsho skyes la nyan bshad mang po mdzad pa'i stobs kyis/ mtsho skyes tshar brgyad gsan/ bla ma mnga' ris pa'i zhal nas gsang sngags la gdam ngag med na mi shes zer te bden par 'dug ngas chos 'ga' zhig ma bslabs par shes gzhan tshar res mi shes pa ma byung ba la/ mtsho skyes tshar bdun tshun chad mnyan pa la zin bris kyi yi ge dam dum yod pa kun bla chen gyis snoms kyin nga'i bu la dgos gsung
rtogs pa re skye bar byung / bdun nas brgyad pa la sngar dang khyad par ma byung gsungs/ de ltar gzhung gi bshad pa rnams tshar bar zhus te/ gsung ngag zhu bar bzhed nas kong por byon nas bsod nams chen po byung nas yo byad mang po khyer nas yar byon te/ bla chen la phul gdam ngag zhus dbang yang zhus pas gnang ste/ sta gon gyi nub mo rmi lam na bla ma 'brog mi'i mdzod yin zer ba sgo skya khrig ge ba mang po 'dug pa las/ de rnams kyi nang na sgo gzhan pas che ba skya khrig ge ba gcig gi lde mig gtad pa rmis nas mnal sad de/ nang par bla ma la zhus pas rje la gsung ngag rin po che'i mdzod mnga' bar gda' yang / dngos la thams cad mi gnang bar gda'