[A:26]ri bla 'khor na dam pa rgya gar che zer ba thos te/ dam pa la zhus pas dam pa'i mngon shes kyis gzigs pas legs par mkhyen te/ khyod kyis dang po bla ma la dbang bskur zhus nas dbang yon ma phul bar 'dug pas de'i skyon yin gsungs pa la/ de bden te bla ma rma chos 'bar zhes bya ba'i jo mo byas te nye snyems kyis
dbang yon
ma phul ba yin la/ de'i zhabs thog bya bar 'dod na'ang bla ma ni mi bzhugs/ bla ma'i gdung bzhugs pa'i mchod rten gcig yod pa la bal po nas gha dzi ra blan te btsugs pas lo gcig gi bar du nad de legs par drag skad/ de nas yang thu nas dam pa can phyin pas mdo rgyud bstan bcos rgyal khams skor gsungs/ der snubs yul rong du phyin pas lha rje snubs pa'i ban chung kha gcig e ma ngo mtshar rmad kyi chos/ /rdzogs pa'i sangs rgyas kun kyis gsang / /skye ba med las thams cad skyes/ /skyes tsam nyid na skye ba med/ /ces zer ba la brtan nas nang du nges shes khyad par can skyes pas drag
yang smyo nas dam pa la zhus pas rnga gcig gtad nas 'di rdungs zer/ brdungs pas skad chen po gcig byung ste/ la la na re phyis kyi grags pa yong ba'i rtags yin zer ro/ /'on kyang nad la ma phan nas gdam ngag zhus pas song zhig pa'i phyag gi brda mdzad nas ma gnang ste/ de nas dus phyis bla ma se lho stod ding ri shed du chos 'khor gcig la gdan drangs te/ de tsam na 'brog mi lo tsA ba dngos kyi slob ma yin zer ba'i snyan pa'i grags pa zha ma bas thos nas/ byon pa'i lam kar zha ma lcam sring gnyis 'ongs nas ji ltar na ba'i lo rgyus rnams bsnyad pas khong lham 'bur ma gcig la spa lcag gcig tug tug mdzad cing de yang ting nge 'dzin yin/ de yang ting nge 'dzin