[A:31]ba ri ba bgres pas gsan long mi yong bas yar byon par zhus te/ yar byon nas
phal po che/ dkon rtsegs/ ting nge 'dzin rgyal po/ gzungs grwa lnga la sogs pa
bla ma ba ri ba'i chos skor thams cad thugs su chud par mdzad do de nas ba ri ba'i zhal nas da khyod rang gdan sa gyis nga yang myur du 'gro 'dug byed gsungs nas ring po ma lon par sku gshegs
/ /de nas kha'ur gnam kha'u ba dar ma rgyal mtshan sku ban cang sgom
la gsang ba 'dus pa la sogs pa dang / de nyid bsdus pa la sogs pa yo ga rnams kyang gsan no bla ma gnang kho rang dges pa dkon mchog la'ang sgog pa phul gyin 'o bya/ 'phrang pa mjal du 'ong ba na sbed longs spyod la 'dzin pa chung ste/ gcig gis gser phul ba gcig yig cha'i nang na gang dgar bzhag nas 'dug pa la/ 'di ci lags zhus pas gser ram bya ba lags so gsungs nas kha yang ma phye bar 'dug skad/ grongs tsa na tshes bco lnga'i zla ba'i 'od lta bu thams cad kyis mthong ba byung / ci 'dug bltas pas bla ma gnang rin po che'i khri chen po gcig gi steng na bzhugs nas lha'i bu mang po khri 'degs pa'i rin po che'i 'od du 'dug ste mkha' spyod du gshegs gsung
/ de nas bgres po kun gros byas nas de dus kyi slob ma dad pa mang po med par 'dug ste/ go chod po tsho gcig yod par 'dug gsungs/ da pha chos gcig rang gtsang bcad pa dga' zer nas su mkhas dris pas/ pu rangs pa gsal snying ni gshegs/ de'i slob ma 'khon sgyi chu ba mkhas kyang zer gdung yang gcig pas zer nas sgyi chur byon/
/de'i dus su g.yas ru sgyi chu ru dge bshes 'khon gyi mtshan dngos dkon mchog 'bar bla dgas 'khon chung dgra bla 'bar
la dges rdor 'grel pa dang bcas pa gsan cing yod tsam na mdo stod du chos 'khor gcig la bla ma se byon pas bla chen la sogs pa sgyi chu ba'i grwa pa kha gcig gis zhal ltar phyin pas/ rje se'i zhal nas khyed tsho ji ltar