[A:33]bla ma mnga' ris pa'i chos kyi bral drul 'dra ba bsgrugs nas gzhan la bshad pa yin/ gdam ngag ci yang med ma 'gro gsungs nas ma gnang ngo / /der bla mas ma gnang nas 'gro ba cha ma yin
snyam
ste/ 'on kyang sang phod 'gro snyam tsa na se gsung ba bden te rje se sku gshegs skad/ de nas dus ring mo zhig 'gyangs te/ de nas yang kha'ur byon nas dge bshes gnang sku mched la chos gsan/ dus phyis bla ma sgyi chu ba sa skyar spyan drangs nas chos 'khor mdzad par bzhed pa'i yo byad thams cad sta gon tshar yod tsam na/ sgyi chu ba bsnyung ste gshegs kar bla ma chen po spyan drangs long ma byung nas/ zhal chems su khyod btsun pa gyis la 'khon tsho'i sde pa 'di'i dpon gyis la/ nga'i gdan sa 'di skyongs shig gsungs nas btad de sku gshegs/ de nas bla mas kyang bla ma sgyi chu ba'i gsung nyan nas rjes kyi bya ba rnams legs par mdzad de/ rab tu 'byung bar dgongs nas na bza'i sta gon tshun chad tshar nas yod tsam na/ de'i lo rgyus bla ma kha'u pas gsan nas 'phrin bskur te khyod rab tu byung na dam tshig nyams so gsungs te/ khong la mngon shes yod pas ma 'ongs pa na phrin las rgya chen la dgongs/ der
bla ma mnyam po la/ gshin po'i ngo bas gson po'i ngo ltos la rab tu ma 'byung zhig gsungs nas ma gnang / der rab tu ma byung 'on kyang 'khon tsho'i dpon mdzad do/ /dge bshes sgyi chu ba de bla ma mal gyi slob ma yin te/ sgyi chu ba'i bde mchog gi dpe rnams bsnams te gung thang na la tse gnas gsar du byon nas/ bde mchog rtsa ba'i rgyud dang bshad pa'i rgyud cha lag dang bcas