[A:40]'byor pa gcig la rgyu mthun lhan skyes dang / rnam smin gyi 'bras bu'i rtags shar ba
tshe gzhug la bden pa mthong du rung ba
gcig 'dug ste/ de yin zer 'tshar ka gung thang sa skya ru mtshams bzhir sku'i bkod pa bzhi mdzad de 'chi mo thug ma tshor gsung
skad yang gcig bho ta ru hu la'i slob mas rnal 'byor dbang phyug la gsol ba btab pas rlung gi dmigs pa gcig dang gser 'gyur rtsi gnang nas bod na zangs rga rdog 'dra ba yod kyis der song la gser 'gyur rtsis sems can la phan thog gsungs nas 'ongs pas bla chen dang mjal nas gdam ngag zhus pas yon tan khyad par can skyes nas yang rgya gar du gshegs de yin nam zer/ 'di dang rgyu mthun rtags shar ba dang phyi 'bar gsum gdam ka yin
/ yang zam pa gnyis pa la mi bdun bsgral ba ni bzod thob bdun yin te/ rje btsun chen po dang bla ma zhu byas la sogs pa sgom pa 'od grags/ sgom jo lcags/ mang chung ma/ gnas brtan bsod she/ byang sems zla rgyal/ rga ston yin kyang zer
bdun byung ngo / /zam pa gcig las mang po bsgral ba de
spyir slob ma dpag tu med pa byung ngo / /bla chen kyi sku tshe'i stod yan chad snyan rgyud 'ba' zhig yin ste/ yi ge med pa'i stobs kyis thugs bsnyel gyis dogs nas/ zhag re la rdo rje tshig rkang tshar re zer kyang bdun
zla ba re la lam rgyas pa cha lag dang bcas pa
tshar re thugs bsam du mdzad gsung ngo / /bla ma mal gshegs sar byon/ gzhi tsho bla chen la gtad mar byon tsa na bar spug rong gi grang chung du bsnyung nad drag po gcig byung / der chos tsho brjed khyad par du gsung ngag brjed/
der thugs ma bde sa skya ru byon sku 'jam dbyangs zhal gzigs par
mtshams bcad nas gsol ba btab pas chos thams cad sngar bzhin thugs la byung / bla ma zhang byon nas chos mang du gsungs/ rnal