[A:42]nas chos 'di rab 'chad par 'dug snyam nas rga theng gi don du rga theng ma bya ba de mdzad pa yin gsung / zhu'i don du zhu ma mdzad
de/ de'ang thams cad kyi rjes la dge bshes gnyag gis zhus pa'i ngor mdzad pa gnyag ma ni/ tshig nyung zhing don rgyas la bsdeb legs te/ thad par dgongs nas de sang gi bar du phyag dpe bzhi po yongs su grags gzhan yum don ma dang / sras don ma la sogs pa yod zer kyang 'di yin ma mthong gsung
mdzad do/ /de lta bu'i bla ma chen po kun dga' snying po de la yon tan dpag tu med pa mnga' ste zhang gi 'gron lar rab gnas la spyan drangs pa na/ 'jam dpal dri med kyi dkyil 'khor bzhengs nas cho ga mdzad pas dge bshes mang po 'tshogs pa tsho'i blo ru mi chud pa tsam byung / sgo lngar chos 'khor gcig la byin pas 'khor dge bshes gdugs phub pa rang lnga brgya tsam byung gsungs
/ 'di'i rnam thar rgyas pa rje btsun rin po ches mdzad par blta'o/ /mdor na kha ba can gyi khrod 'dir gdul bya'i don dpag tu med pa rim dang cig char gyis grol bar mdzad do/ /g.yas ru stag ris kyi sa'i cha skya bo kha gdangs kyi gtsug lag khang du dgung lo drug cu rtsa gcig pa la pur sbyangs pa'i me'i sgra thams cad bde mchog rtsa sngags su byung / me'i gseb na bde mchog zhal bzhi phyag bcu gnyis pa rnam par snang mdzad kun tu zhal lta bur thams cad kyis mthong / gzang ri phug pas gar phyin sar zhal 'gyur bar mthong /
ngo mtshar gyi ltas dpag tu med pa mngon sum du bstan nas sku gshegs pa'i tshul bstan to/ /'on kyang de'i sras kyi thu bo rjes 'brang dang bcas pas deng sang gi bar du thub pa'i bstan pa shin tu rgyud gsum gdam ngag dang bcas pa yab nyid la gsan cing thugs su chud par mdzad/ phya pa la tshad ma dang spyod 'jug gsan cing thugs su chud par mdzad de
rgyas par mdzad do/ /
de