[A:43]yang bla ma chen po nges par rdo rje 'chang dang mi gnyis pa'i thugs mnga' ba de'i sku gsung thugs kyi sras
bzhi byung / chen po kun dga' 'ba' re rtsad tsha yin te rgya gar du byon/ mkhas pa gcig byung ste mu stegs pa dang rtsod pas dug gis sku gshegs/ de nas 'bro tsha gsum ni slob dpon rin po che mtshan bsod nams rtse mo yon tan bsam gyis mi khyab pa mnga' ba mi thub zla ba'i sprul par bzhed/ dgung lo zhe gnyis pa la gshegs/ de nas rje btsun pa/ de nas chos rje pa'i yab smon cung mtshan dpal chen 'od po
/ rje btsun rin po che 'dis bla chen dang slob dpon rin po che pa dang dge ba'i bshes gnyen gzhan dang gzhan las kyang / gsang sngags kyi rgyud sde mtha' dag yan lag dang bcas pa thams cad gsan nas/ thugs su chud par mdzad de/ gsung ngag rin po che 'di zhu ba'i dus su dka' ba dpag tu med pas lan mang du gsol ba btab te/ gsan zhing thugs su chud par mdzad nas/ skabs 'ga' zhig tu bsgrub pa la snying por mdzad nas yon tan gyi cha dpag tu med pa la mnga' brnyes so/ /dus phyis dka' ba'i gnas 'ga' zhig mnal lam gyi rnam pas rnal 'byor gyi dbang phyug nyid la zhus pas/ the tshom gyi mdud pa bral zhing bla chen dang slob dpon rin po che gnyis las kyang mnal lam du zhal yang yang mjal zhing don 'ga' zhig zhus pas gnang ste/ mi shes pa'i dra ba rnam par bsal bas na mi mtshungs pa'i blo gros chen po de/ thun mong du slob ma la rgyal ba'i gsung rab 'grel pa yan lag dang bcas pa man ngag tu bcas pa la 'chad pa dang rtsom pa la sogs gzhan don 'ba' zhig mdzad de/ dgung lo bdun cu bzhes pa dang dpal sa skya'i