[A:5]sogs pa thams cad la 'dri ba 'ong / nub phyogs na shes rab 'byung gnas blo gros la khyad par du mu stegs kyi grub mtha' la 'dri ba mang / byang phyogs na jo bo nA ro ta pa la theg pa chen po la 'dri ba dang lung nod pa mang gsungs so/ /dbus kyi ka chen gnyis ni rin chen rdo rje dang dznyA na shrI mi tra
bod skad ye shes dpal bshes gnyen
ste/ de gnyis la ka chen zer kyang gzhan pas yon tan che rgyu ni med gsungs/ bla chen 'brog mis slob dpon shanti ba la dam pa'i chos 'dul ba dang / pha rol tu phyin pa yang gsan/ slob dpon nyid kyis mdzad pa phar phyin gyi 'grel pa nyi khri dag ldan snying po mchog la sogs
kun yang gsan/ de nas sngags kyi chos skor kyai rdo rje rgyud gsum bde mchog la sogs pa mang du gsan zhing lo brgyad bzhugs so/ /gzhan rnams dang yang chos 'brel bag re yod gsung de dus na mkhas pa gra 'dos pas tshig gi zur tshol pas shanti ba lta ba la 'khrul sems tsam yin zer/ ngag gi dbang phyug spyod pa la 'khrul las dang po pa rang nas gnyis spangs kyi spyod pa byed/ nA ro pa dbang la 'khrul dbang gi dus su mthong lam skye zer kyang mkhas pa chen po de rnams la 'khrul pa chen po mi mnga' gsung
/ de nas yul du byon dgongs tsam na/ rgya gar shar phyogs ra Da
na 'phags pa spyan ras gzigs dbang phyug khar sa pa Ni bzhugs pa de grags pa che bas
de la phyag dang bsnyen bkur bya ba'i phyir byon pa'i lam na ku ba tshal bya ba'i
nags stug po gcig gi nang na dge slong chos gos gsum lhung bzed dang bcas pa gcig shing gi lha la bsod snyoms slong zhing 'dug pa'i dus su ljon shing gi sdong po'i nang nas/ lus mi ston par lag pa rin po che sna tshogs