[A:7]yan chad lo pan byon na 'dir byon bya ba'i srol yod gsung
/ mkhan slob gnyis kyis bsu ba mdzad nas chos kyi lo rgyus mdzad pas/ bla chen 'brog mi shin tu mkhas pa chen por gyur nas shin tu mnyes skad/ stag lo la ci shes dris pas shes rab snying po rgya klog tu klog pa tsam las mi 'dug skad/ mkhan slob gnyis kyi zhal nas 'brog mi 'di mkhas pa chen por gyur 'dug pa la/ khyod kyis ci yang mi shes pa ji ltar yin gsungs pa la/ stag lo na re kho ka pa li re khyer nas de shed du 'gro yin 'dug kho bo rdo rje gdan gyi byang chub chen po la dad par byung nas bskor ba 'dra byas zer skad/ 'on kyang khong shin tu btsun pas stag tsho'i sde pa chen po tshugs so/ /bla chen gyis sku tshe stod la bshad pa rgya chen po mdzad smad la
mu gu lung dang lha rtse brag dang / gam pa'i rdzong bya ba brag chen po gcig yod der bzhugs nas bsgom/ lha lcam gcig la sras intra rdo rje bltams gsung
skabs su spa dro'i tshur nye ba gnam thang dkar po'i 'brog pas spyan drangs nas/ chos kyi nyan bshad mang po mdzad cing bzhugs pa'i dus su/ paNDi tas lo tsA ba'i skad ma go bar ngus pa'i gtam yod de ma dag
jo bo gha ya dha ras paNDi ta yong gin yod pas bsur shog ces pa'i 'phrin btang nas byung ba la/ chos ci shes dris pas spyir mnga' rig pa'i paNDi ta yin/ bye brag tu sngags/ de nas kyang ma rgyud khyad par du rnal 'byor dbang phyug gi gdam ngag la mkhas zer bas skom pa la chu dang phrad pa bzhin dgyes te
rdo rje theg pa la mkhas par rtogs nas dgyes pas skyid grong nas bsu ste brom pa lha rtse'i brag la zla ba gcig tu chos kyi lo rgyus dang / bla ma lnga bcu pa'i sgo nas dpon slob kyi 'brel rtog