[A:75]pa dri med mkhar/ /legs byas tshul khrims phung po 'od 'byin pa/ /stong nyid snying rje'i zer can kun nas 'phro/ /'gro ba'i mun sel rdo rje 'dzin la 'dud/ /
dpal 'byor gling pa ngag dbang rnam rgyal
rnam dag chos sku'i ngang las ma g.yos kyang / /rnam 'phrul gzugs skur rnam rol he ru ka/ /rnam grol lam ston ngag dbang rnam rgyal la/ /rnam dkar sgo gsum gus pas phyag bgyi'o/ /byang chub rtse pa kun dga' bkra shis
kun khyab chos sku'i mkha' klong rab yangs pa/ /dga' bzhi'i dkyil 'khor rgyas pa'i 'od 'phreng gis/ /bkra shis thub bstan pad tshal rgyas pa'i gnyen/ /yongs 'dzin chos kyi nyi ma'i zhabs la 'dud/ /nyi ma gling pa tshul khrims bkra shis
thub bstan rtsa lag tshul khrims 'dzin pa la/ /smon 'jug don dam lo tog rgyas mdzad nas/ /rim gnyis bkra shis mchog la 'god mdzad pa/ /rje btsun bla ma'i zhabs la gsol ba 'debs/ /sa skya pa bdag chen a mes drung gis nyi ma gling pa la bstod pa
tshul khrims rgyal mtshan legs bzung nas/ /'gro la bkra shis dpal ster ba'i/ /rdo rje gdan pa chen po yi/ /bstan pa'i gsal byed la phyag 'tshal/ /rnam mkhyen grong rnam rgyal rgyal mtshan
rnam dag sdom pa gsum gyis brgyud gtams shing / /rnam 'dren rig gnas kun la mnga' 'byor ba'i/ /rgyal tshab dam pa kun dga' rnam rgyal gyi/ /bstan pa'i rgyal mtshan 'dzin la gsol ba 'debs/ /kun bzang rtse pa paN chen bsod nams mchog ldan
dpal ldan bsod nams rlabs chen rgyas pa'i mthus/ /tshul khrims mchog dang ldan pa'i mkhyen brtse yis/ /bstan 'gro'i gnyen gcig mtshungs med bla ma mchog /paN