[A:23b]bsam la de dang rdo rje yis/ /slob dpon gnyis kas mdzad par bsam pa yin/ /lam dbang thob nas chu rgyun mi nyams phyir/ /dbang bskur zab mo thun drug bzhi gsum gnyis/ /gang byas na yang rung la thun gcig la/ /nges par rgyas par bya dgos thun gcig ni/ /shin tu bsdud par 'dod na skyabs sems dang / /rdor sems sgom bzlas byas la rdor sems bstim/ /tshogs zhing spyan drangs de la mchod pa dang / /yan lag bdun pa la sogs byas pa'i rjes/ /tshogs zhing rang lus bstims nas lus dkyil bsgom/ /de nas dbang bskur rnams ni len pa yin/ /de lta'i lam dbang gnang skabs phyag len gyi/ /rim pa rnams dang dus der mkho ba yi/ /dmigs pa 'ga' sogs gsal bar bshad pa 'di/ /bla ma dam pa'i gsung rgyun phyag len rnams/ /shin tu nges par byas nas bris pa 'o/ ! /lam zab phyi ma 'di nyams len/ /dus kyi rang lus dum bu ru/ /gtubs tshe rang gi spyi bo nas/ /rnam shes he ru ka'i rnam pas/ /thon nas tha mal pa'i lus de/ /gtubs par bsgom zhing he ru ka /de ni zhal gcig phyag gnyis pa/ /bsam par bya 'o yin no zhes/ /bla ma'i gsungs de brjed dogs bris/ ! /nang gi bla ma'i rnal 'byor nyid/ /gnang skabs phyag len 'di lta ste/ /mdzes pa'i stegs la chu rnam bzhi/ /sngon 'gro'i nyer spyod lnga dang ni/ /zlum gtor gsum bsham bla ma yis/ /gdan la 'dug ste lam dus blangs/ /de rjes nang gi bla ma yis/ /rnal 'byor bsgom la gtor bsngo bya/ /de nas slob ma rnams bsdus la/ /bla mas
gsal