[A:25a]bcas stegs mdzes pa/ /cig la bshams nas slob dpon gyis/ /lam dus blangs shing birWa pa'i/ /bsrung ba thun mong min pa bsgom/ /de yi rjes su chos skyong sogs/ /rnams la gtor 'bul legs par bya/ /de nas slob ma rnams bsdus nas/ /maNDal gsol 'debs rgyun bshags dang / /sdom bzung rnams ni byed du bcug /de rjes bla ma birWa par/ /bsgom zhes brda sbyar de'i sku gsung / /thugs dang lte ba brla rtsa yi/ /yi ge rnams la brten nas ni/ /slob ma byin rlabs de'i rjes su/ /slob ma rnal 'byor dbang phyug tu/ /bsgom du 'jug rnams slob dpon gyis/ /gsal por brjod la de nas ni/ /gtang rag maNDal sogs byas la/ /bla mas rjes chog rnams bya'o/ /'di lta'i lag len rim pa 'di/ /bla ma'i phyag len de zin pa'i/ /lugs su byas nas bris pa lags/ ! /brda don gsal ba'i gdams pa 'di/ /gnang skabs phyag len 'di lta ste/ /rab mdzes stegs la maNDal steng / /tshom bu dgu bkod de drung du/ /chu bzhi sngon 'gro nyer spyod lnga/ /zlum gtor gsum dang bcas legs bsham/ /de nas bla mas lam dus dang / /maNDal bsgrub mchod tshul bzhin bya/
gling dgar tshes bcu la byed pa bzhin/
/de yi rjes su gtor ma rnams/ /chos skyong sogs la 'bul byas nas/ /slob ma bsdus te bla ma yis/ /man ngag gleng gzhi brjod rjes su/ /slob ma rnams la maNDal dang / /gsol 'debs gang drin sogs byed 'jug /maNDal gsol 'debs byin rlabs kyi/ /sngon 'gro chos yin dngos gzhi la/ /slob mas