[A:30b]brgyud pa ni gong dang 'dra ba la/ ! /yang zab mo'i yang rtse mkha' spyod bsgrub pa'i 'pho ba chig brgyud ma thob pa'i brgyud pa ni/ rdo rje 'chang / rdo rje rnal 'byor ma/ paN chen phyogs las rnam rgyal/ ras chen dpal 'byor bzang po/ zha lu ba sangs rgyas dpal bzang / rje dpal ldan rgyal po/ chos rje bzang po dpal ba/ paN chen nam mkha' dbang phyug rje chos dbang pa/ rdo rje 'chang sangs rgyas rgyal mtshan/ des bdag sa skya pa ngag dbang kun dga' bsod nams la'o/ /de thams cad kyi rgyab rten du/ 'khor lo bde mchog gi rtsa rgyud le'u lnga bcu rtsa gcig pa/
rtsa rgyud ma la mchan/ rtse mos mchan sna bsrings pa/ Tikka mu tig phreng ba'i steng nas stsal cing 'di dag dang gong gi nag 'bum/ rim bzhi lam slong rnams kyi mchan rtse mo'i 'di yin zhing / mu tig phreng ba'i mi gsal ba rnams nub pa rig 'dzin grags kyi Tikka rje btsun gyi gsung bgros ma dang / sa paN gyi dngos slob zhang bya rung ba'i bde mchog gi bshad mtshams gnyis las kha skong byed lugs 'di ltar yin dang / lhag par rtsa rgyud nag po'i skor/ zhes grags pa dang mthun par gzhung drug gi bshad 'grel rang du sbyor na 'di ltar byed tshul rnams kyi rnam gzhag zhib tu gsungs pa thos so/ /
paNDi ta su ma ti kirti dang / lo tsA ba mal gyo blo gros grags kyi 'gyur/ rje btsun sa skya pa chen po'i sa bcad dang / TIkka mu tig phreng ba'i steng nas dang / de'i bshad rgyud rnal 'byor ma kun spyod/ mal 'gyur rje btsun chen pos mdzad pa'i sa bcad 'grel pa dang bcas pa'i steng nas lung bshad kyi bka' drin mtha' chod pa stsal cing / de'i dus rje'i gsung las/ 'di'i rtsa rgyud kyi le'us skabs so so nas bstan pa'i sngags btu'i byin rlabs rnams ni kho bos ma thos