[A:31b]ngag dbang kun dga' bsod nams la'o/ /yang na ngor chen rdo rje 'chang / rje sems dpa' chen po/ kun mkhyen bsod nams seng ge 'dren mchog dkon mchog 'phel ba/ rje dkon mchog lhun grub man 'dra/ yang na rje sems dpa' chen po'i rjes su/ zha lu pa sangs rgyas dpal bzang / rje dpal ldan rgyal po/ rje bzang po dpal ba/ paN chen nam dbang / rje chos dbang phyug rje 'khor lo sdom pa man 'dra/ ! /'khor lo bde mchog nag po pa'i khrid 'chad dus kyi phyag len ni/ slob dpon drung du zlum gtor gcig /chab bran nas bzhag slob ma bsdud/ /'du dus bla mas bcom ldan 'das/ /rdo rje sems dpa' he ru ka la phyag 'tshal lo/ /zhes brjod de nas dpon slob thams cad kyis/ /yig brgya mang brjod de'i rjes su/ /stobs bzhi tshang ba'i bshags pa bya/ /rdo rje sems dpa' rang la bstim/ /de nas phur bu gdab pa dang / /bsrung 'khor bsgom pa rnams de ni/ /bde mchog nag po pa'i lugs kyi/ /sgrub thabs ji bzhin dpon slob kun/ /gyis mdzad de rnams grub rjes su/ /khro bo 'bar ba'i tshogs rnams kyi/ /sogs dang gzhan yang smon lam dang / /bkra shis tshigs bcad 'ga' re rnams/ /dpon slob kun gyis mdzad rjes su/ /bla mas gong bsham gtor ma de/ /sngags dang phyag rgyas byin brlabs la/ /gtor mgron 'bar ba'i phyag rgya dang / /pheM zhes bya bas spyan drangs nas/ /lag pa rdo rje thal mo kha/ /gyen du phye la gtor ma nyid/ /sngags kyis
a khaM sogs kyis/
phul la phyi mchod dang / /nang mchod byas la lha tshogs