[A:107]mkha' chos dar/ spyan snga chos kyi spyan ldan kun dga' don grub/ des bdag sa skya pa ngag dbang kun dga' bsod nams la'o/ ! /jo bo rje dpal ldan a ti sha'i gdams pa dge ba'i bshes gnyen bka' gdams pa rnams kyi thugs dam rje btsun sgrol ma nyer gcig gi rjes gnang thob pa'i rim pa ni/ seng ldeng nags kyi sgrol ma/ sgrol ma myur zhing dpa' ba la brten nas bgegs dang 'tshe ba zhi ba/ sgrol ma dkar mo la brten nas gdon bgegs zhi ba/ sgrol ma ser mo la brten nas tshe dang longs spyod 'phel ba/ sgrol ma gser mdog can la brten nas tshe spel ba/ sgrol ma hU~M sgra sgrog pa la brten nas dbang du bya ba/ 'jig rten gsum las rnam par rgyal ba la brten nas 'byung po 'dul ba/ gzhan 'joms ma la brten nas rbod gtong bzlog pa/ bdud dang dgra 'joms ma la brten nas dgra bsad pa/ dkon mchog gsum mtshon phyag rgya la brten nas 'jigs pa thams cad bsrung ba/ bdud dang bar gcod dbang du bsdud ma la brten nas bar gcod 'dul ba/ 'gugs shing phongs pa sel ba la brten nas nor bsgrub pa/ bkra shis thams cad sbyin ma la brten nas bkra shis spel ba/ sgrol ma me ltar 'bar ba la brten nas bar gcod bsrung ba/ khro gnyer can ma la brten nas bgegs la bsnun pa/ zhi ba chen mo la brten nas sdig pa sbyangs pa/ rig pa hU~M las sgrol ma la brten nas rtsod pa rgyal ba/ 'jig rten gsum g.yo ba la brten nas bdud zhi bar bya ba/ dug rnams rab tu 'joms ma la brten nas klu nad gso