[A:78a]las/ sa bon phyir na aM yig las/ /logs su rin 'byung bsgom pa'i phyir/ /'byung khungs ji skad bshad bzhin 'dod/ /phyogs snga ma longs rang 'dod bris/ /gzhan du lung rigs gnod pa yod/ /sras don ma las rtsa med na/ /sprul sku 'byung ba'i rgyu med cing / /lam gyis gnas 'gyur sprul skur 'char/ /de bas rang bzhin lhun grub dang / /'gyur rung gnyis dgongs rgyu ni rtsa/ /sprul sku rang bzhin lhun grub bzhag /de ltar yang yang rgyu zhes gsungs/ /rig pa aM gi yi ge de/ /rin 'byung yin na ser sna yi/ /dri bral mnyam nyid ye shes 'gyur/ /des na hU~M sogs bzhi po yang / /ye shes bzhi ru cis mi 'gyur/ /sems can dri bral ye shes lnga/ /ldan phyir ha cang thal bar 'gyur/ /rang lus rgyal ba'i dkyil 'khor zhes/ /grags kyang gnad 'di shes pa dkon/ /'on te rang bzhin rnam dag la/ /bsams na zhal phyag rnam pa 'gal/ /bsgom pa'i blo ngo yin na ni/ /grub tshig smos pa 'gal ba yin/ /bsgrub gzhi rang bzhin lhun grub phyir/ /phyi dkyil dang ni mi 'dra zhes/ /mkhas mang mthun pa kho bos mthong / /khyed kyi go lugs 'di ltar na/ /lus dkyil rtsod pa'ang spang bar dka'/ /zhes dang / sa bon dang ni bskyed pa la/ /skyog bshad 'khrul pa'i rjes gnon yin/ /bhrUM sogs lus dkyil bskyed pa yi/ /sa bon 'di lngas bya ba 'am/ /tsaNDa lI dang rjes mthun par/ /gang rung bya zhes 'dam khar gsungs/ /gzhung bshad rnams su phyi ma bris/ /de ltar ma mthong tshod rgyag mang / /sgra grub