R496: rngog lo tstsha ba chen pos bstan pa ji ltar bskyangs pa'i tshul mdo tsam du bya ba ngo mtshar gtam gyi rol mo/ {bod yig glog rdul dpe cha/}

  • Pagination (Witness A): 4a
[A:4a]nyan stod 'dul chung / de nas bo dong / de nas phyir rim gyis gshegs te/ lha sa la sogs pa dbu ru dang / g.yo ru 'i sa phyogs su re mos kyis chos kyi 'khor lo bskor bar mdzad do// bdag nyid chen po 'di 'jam dpal rtsa ba'i rgyud las lung bstan pa ni/ 'di nas byang phyogs gangs 'gram du// blo ldan gang zhig 'byung 'gyur ba// nga yi bstan pa 'dzin brtson phyir// yi ge'i sgra dang bshad bya la// blo gros thogs pa med pa 'byung // 'jam dpal rtsa ba'i rgyud las lung bstan pazhes gsungs la/ mgon po mngon par 'byung ba'i rgyud las ni/ shar phyogs rgya mtshor bsten nas ni// de nas 'brog gi mthar thug par// blo ldan lo hi ta 'gram pa// de ming shes rab mthar gnas shing // byang du de bzhin kha ba can// mgon po mngon par 'byung ba'i rgyudzhes gsungs par grags so// bshes gnyen gro lung pa ni/ mdo sde'i rgyan las/ blo bzang skye ba med ldan brtse ba can// snyan par rab grags tsho ga bzang shes ldan pa yin// byang chub sems dpa' legs par smra ba yin pa ste// bshad pas skye bo'i nang na nyi ma bzhin du lham// mdo sde'i rgyan zhes gsungs pa 'dis/ bdag nyid chen po'i mtshan don nyis ka ngos bzung ba yin no/ zhes 'chad do// 'di'i grub pa'i mtha' rags pa ni/ byams pa'i chos dang po bzhi drang don dang / rgyud bla ma nges don du 'chad/ thogs med sku mched la tshad mar 'jog cing / blo brtan dang / seng ge bzang po la 'thun pa'i skabs rang sor bzhag nas/ mi mthun pa'i skabs rnams 'gog par byed/ sde bdun mdzad pa'i mthar thug gi dgongs pa/ klu sgrub dang 'thun zhing / nges don gyi ngos 'dzin yang / gnyis stong med dgag gi cha la 'chad/ chos mchog dang / rgyan mkhan po la/ mi mthun pa 'gog cing / 'thun pa rnams de'i lugs bzhin du