[A:317]rgyas pa/ a mo gha badzras mdzad pa'i sems dpa' bsdus pa zhes bya ba'i sgrub thabs/ rdo rje 'jigs byed kyi gzungs ring las tshogs dang bcas pa/ zhi ba ye shes kyi bsnyen pa'i cho ga /sgrub pa'i cho ga /drag po phyogs gcig pa'i las sbyor/ zhi ba las bdun gyi cho ga /drag po las bdun gyi cho ga /gshin rje chos kyi rgyal po'i sgrub thabs/ rtog pa gsum pa'i rgyud/ gtam rgyud kyi rtog pa de dag gi zhal gdams dang bcas pa rnams dang / slob dpon ngag dbang grags pas mdzad pa'i 'chi ba bslu ba'i gzhung rgyas pa man ngag dang bcas pa/ yan lag bdun pa'i bstan bcos/ de kho na nyid rin chen snang ba/ de'i 'grel pa slob dpon nyid kyis mdzad pa/ dbang gi cho ga mdor bsdus pa rnams gsan no/ /yang slob dpon dge ba'i bshes gnyen yon tan dpal las theg pa chen po'i rgyu khams ston par byed pa de bzhin gshegs pa'i snying po'i mdo/ sgrub byed kyi lam la thabs kyi cha ston pa gsang chen thabs la mkhas pa'i mdo/ shes rab kyi cha ston pa ting nge 'dzin gyi rgyal po'i mdo/ bgrod bya'i sa lam ston pa sa bcu pa'i mdo/ theg pa chen po'i 'bras bu ston pa sangs rgyas kyi sa'i mdo ste zab mo'i mdo lngar yongs su grags pa dang / de dag gi man ngag phyogs gc-ig tu bsdebs pa dge bshes tsha lung stod ston dkon mchog skyabs kyis mdzad pa'i theg pa chen po'i gzhi lam rnams gsan no/ /slob dpon tshogs kyi mchog las ngag gi 'dren pa dang / 'khrul 'khor gyi rim pa 'ga' zhig gsan no/ /dge ba'i bshes gnyen zhang zhung pa rdo rje 'od zer las/ de kho na nyid kyi sgron ma/ ye shes snying po rnal 'byor ma'i rgyud kyi lung rnams gsan no/ /slob dpon rin po che skyob pa dpal zhes bya ba las/ 'khor lo bde mchog gi bshad pa'i rgyud mkha' 'gro rgya mtsho zhes bya ba'i lung gsan no/ /de nas rnal 'byor dbang phyug rga lo zhes bya ba las gshin rje