[A:363]pa'i chos rgyud dri ma med pa la sngon gyi las sad pas mi phyed pa'i dad pa chen pos gsung ngag rin po che zhu bar dgongs pa la/ de tsam na chos kyi rgyal po 'phags pa nyid bstan pa spyi dang / bye brag sa skya pa'i chos rgyud kyi bdag por bzhugs na yang bod na mi bzhugs te rgya yul du byon nas/ bod du 'byon gyin yod zer ba gsan pas sa dang po lta bu'i spro ba skyes te/ grogs mched dge slong kun blo zer ba cig dang / gnyis pos gsung ngag rin po che zhu ba la mdo khams rtsam mdo'i bar du zhabs thang du byon/ bla ma dang 'jal bas/ khyed gnyis gang nas 'ongs/ ci la 'ongs bya ba la sogs pa'i dri ba mdzad pas/ bdag cag sa skya pa'i chos rgyud dri ma med pa la mos/ khyad par du gsung ngag rin po che zhu ba la sa skya nas drung gi spyan sngar 'ongs pa lags thugs rjes 'dzin par zhu zhes zhus pas/ bla ma 'phags pa'i gsungs nas/ dus da lta nga'i gam du rgya bod hor gsum gyi mi che 'bring chung gsum mang po 'ong gin 'dug ste/ chos kho na don du gnyer ba las thag ring nas 'ongs pa khyed gnyis tsam las ma byung / de bzhin bya dgos gsungs nas shin tu mnyes/ de nas bzung ste bla ma sku ma gshegs bar du lus dang grib ma bzhin du bsten pas thun mong ma yin pa'i thugs kyi sras kyi nang nas mchog tu gyur pa bla ma zhang dkon mchog dpal ba 'di nyid yin te/ de'ang sa skyar bzhugs pa'i tshe/ bla ma 'phags pa sku khams bsnyung ba cig byung nas/ mo rtsis la sogs nas/ ngan dogs che/ sku rim chen po dgos de'ang dbus gtsang gi chos la rdul sprugs/ mchod rten bzhengs pa/ phyag rdzas thams cad spong thag /bla ma'i dam tshig pa thams cad tshogs nas sgrub mchod sbyin sreg brgya rtsa byed dgos zer ba la sogs pa byung ba la/ 'phags pa'i gsung gis gzhan tsho gang grub grub gyis/ dam tshig pa rnams tshogs la sgrub mchod bya dgos gsung pa de kun zhang dkon mchog dpal sbyin sreg