[A:50a]dmigs shing rtogs / thabs snying rjes sems can gyi don byed pas / stong nyid snying rje'i snying po can zhes bshad do / /
gnyis pa ni / pha rol tu phyin pa drug gis dge chos thams cad bsdus shing sangs rgyas kyi chos yongs so rdzogs par byed pa yin de / dkar po'o chos kun rnam par g.yengs pa dang / /
mnyam par bzhag dang gnyis kar shes par bya / /
pha rol phyin pa gnyis dang gnyis / /
gnyis kyis yongs su bsdus pa yin / /
zhes pa dang / longs spyod mngon par mi dga' dang / /
rab gus gnyis la mi skyo dang / /
rnal 'byor rnam par mi rtog pa / /
theg chen mtha' dag 'dir zad do / /
zhes theg chen thams cad phyin drug gis bsdus par gsungs so / /
'o na nyan rang la phyin drug med dam zhe na / med de / theg bsdus 'grel [B:45a]par / bse ru lta bu rnams la ni / /
pha rol phyin drug ming yang med / /
bcom ldan nyag gcig pha rol phyin / /
drug gi spyi la bzhugs pa lags / /
zhes so / /
'o na nyan thos kyi sde snod du'ang phyin drug la sogs byang chub sems dpa'i spyod pa rnams bstan pas gsal zhe na / de ni cung zad tsam zhig bstan pa yin gyi yongs su rdzogs pa lta ga la ste / rin chen phreng bar / nyan thos theg pa de las ni / /
byang chub sems dpa'i smon lam dang / /
spyod pa yongs bsngo ma bshad des / /
byang chub sems dpar ga la 'gyur / /
zhes pa dang / mdo sde rgyan las kyang / ma tshang ba dang 'gal ba dang / /
thabs min de ltar ma bstan phyir / /
nyan thos kyi ni theg pa 'di / /
theg chen chos zhes bya ba min / /
zhes pas so / /
gsum pa sa'i sgo nas dbye ba ni / rin chen phreng bar / ji ltar nyan thos theg pa las / /
nyan thos sa ni brgyad bshad pa / /
de bzhin theg