[A:49b]mi chad par yang yang bsgom pa thob pas / tshogs so / /
IVAcb1b2a3d4. bzhi pa ni / brtan pa'i tshogs gang yin pa de / /
don kun sgrub par byed pa yin / /
zhes so / /
IVAcb1b2a3e4. lnga pa ni / 'jug dang mtshan ma med pa dang / /
lhun gyis grub par bya ba dang / /
dbang bskur mthar thug bya ba'i phyir / /
brtan rnams tshogs ni sgrub par byed / /
ces pas / mos pas spyod pa dang / sa dang po nas drug pa'i bar dang / sa bdun pa dang / sa brgyad dgu gnyis dang / sa bcu pa'i tshogs rnams ni grangs bzhin du / sa la 'jug pa dang / sa bdun par mtshan ma med pa dang / brgyad par lhun gyis grub pa dang / bcu par dbang bskur ba dang / [B:44b]sangs rgyas kyi sa la mthar thug par bya ba'i phyir sgrub bo / /
IVAcb1b2a3f4. drug pa ni / rin chen phreng bar / sangs rgyas rnams kyi gzugs sku ni / /
bsod nams tshogs las 'khrungs pa ste / /
chos kyi sku ni mdor bsdu na / /
rgyal po ye shes tshogs las 'khrungs / /
zhes pa dang / rigs pa drug cu par / bsod nams ye shes las byung ba'i / /
dam pa gnyis ni thob par shog /
ces pas so / /
de yang rgyu'i gtso bo'i sgo nas bstan pa ste / phal pa'i tshul gyis gnyis ka yang tshogs gnyis ka'i 'bras bu yin no / /
IVAcb1b2a3g4. bdun pa ni / bsod nams tshogs kyi dmigs yul kun rdzob bam / ji snyed pa ye shes tshogs kyi [C:67]dmigs yul don dam mam ji lta ba'o / /
IVAcb1b2a3h4. brgyad pa la / dbye sgo bcu gnyis tsam du mdzad de / dang po theg chen gyi lugs la / thabs shes rab gnyis te mtshan mar 'dzin pa gcod pa shes rab dang / dge ba'i rtsa ba sdud pas thabs so / /
ga ya go ri'i mdo las / thabs ni sdud pa shes pa'o / /
shes rab ni dpyod pa shes pa'o / /
zhes so / /
de nyid shes rab kyis stong pa nyid la