[A:50b]pa chen po la / /
byang chub sems dpa'i sa bcu'o / /
zhes pa'am / skyabs gsum bdun cu par / ji ltar dgra bcom zad ye shes / /
sa bdun sngon du 'gro ba can / /
de bzhin rdzogs sangs rgyas ye shes / /
sa bcu sngon du 'gro ba yin / /
zhes pas / [C:68]nyan thos la dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa ste brgyad yod pa ltar / theg chen la rab tu dga' ba la sogs pa'i sa bcu re re la pha rol tu phyin pa bcu re re gtso che la / gzhan phal ba'i tshul du spyod pas dag par bshad do / /
de sa'i gtso bo yin gyi phal pa ni / dad pa'i sa la gnas pa yis / /
zhes pa ltar tshogs lam la dad pa'i sa dang / sa thob pa ni mos pa dang / /
zhes pa ltar [B:45b]sbyor lam man chad mos spyod kyi sa'ang yod do / /
yang byang sar sa bdun du bshad pa'ang yod de / rigs kyi sa dang mos pas spyod pa'i sa dang / lhag pa'i bsam pa dag pa'i sa dang / nges pa'i sa dang / spyod pa'i sa dang / spyod pa nges pa'i sa dang / mthar thug par 'gro ba'i sa'o / /
zhes so / /
bzhi pa bsdu ba bzhir dbye na / rgyan nas / sbyin mtshungs de ston len 'jug dang / /
bdag nyid rjes su 'jug rnams kyis / /
snyan par smra dang don spyod dang / /
don mthun nyid du 'dod pa yin / /
zhes pas spyin pa'i phar phyin dang mtshungs pa'i sbyin pa dang / gzhan la phyin drug ston pa'i snyan par smra ba dang / gzhan dag phyin drug len du 'jug pa'i don spyod pa dang / rang nyid kyang phyin drug la 'jug pa don mthun pa ste bsdu ba bzhi'o / /
lnga pa spyod pa bzhir dbye na /