[A:53a]nas ni / /
rgyal bas pha rol phyin pa drag /
yang dag bshad de dang po gsum / /
mtha' ma gnyis kyis rnam pa gnyis / /
gcig ni gsum car la yang rtogs / /
zhes so / /
bcu gcig pa ni / bsod nams bya ba'i dngos po gsum ste / sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nams bya ba'i dngos po ste gsum mo / /
dang po ni sbyin pa'i pha rol tu phyin pa'o / /
gnyis pa ni tshul khrims kyi pha rol tu phyin pa'o / /
gsum pa ni bzod pa brtson 'grus bsam gtan shes rab kyi phar phyin rnams so / /
bcu gnyis pa lam bdun nam byang phyogs sum cu so bdun du dbye ba ni grags pa nyid do / /
de lta bu'i tshul gyis ston pa'i gsung rab thams cad kyang bshad par nus gsung ngo / /
IVAcb1b2b3. gnyis pa dus ji tsam du bsags pa'i dus ni / gsung rab nas mi 'dra ba mang du 'byung ste / bskal pa grangs med gsum dang / bdun dang / bcu dang / sum cu rtsa gsum la sogs pa bshad la / bcu gsum du bshad pa'ang yod gsung ngo / /
de la grangs med gsum ni gsung rab phal cher las 'byung zhing / grangs med kyi don yang / mngon pa mdzod kyi 'grel pa dang thub pa dgongs rgyan la sogs pa mang po nas / bgrang ba las 'das pa'i grangs med ma yin gyi / grangs kyi gnas gzhan drug cur phyin pa'i grangs med la bzhed la / grangs ni / gcig bcu / brgya stong / khri 'bum / sa ya / bye ba / dung phyur / ther 'bum / ther 'bum chen [B:48a]po / /
khrag khrig /
khrag khrig chen po / /
rab bkram rab bkram chen po / /
gtams gtams chen po / /
dkrigs dkrigs chen po / /
mi 'khrugs pa mi 'khrugs pa