[A:53b]chen po / /
khyad phyin / khyad phyin chen po / /
pang steng pang steng chen po / /
ded 'dren / ded 'dren chen po / /
mtha' snang / mtha' snang chen po / /
rgyu rig rgyu rig chen po / /
'od mdzes / 'od mdzes chen po / /
dbang po dbang chen / legs phyin / legs phyin chen po / /
rtog 'gro / rtog 'gro [C:72]chen po / /
'bying rdul / 'bying rdul chen po / /
rgya rtags / rgya rtags chen po / /
stobs 'khor / stobs 'khor chen po / /
brda shes / brda shes chen po / /
rnam 'byung / rnam 'byung chen po / /
stobs mig /
stobs mig chen po / /
grangs med pa ste / bar nas grangs kyi gnas gzhan brgyad chad ces gsung ngo / /
byang chub sems dpa'i sa las / bskal pa chen po grangs med pa bgrang ba'i tshul gnyis te / bskal pa chen po re re la'ang / lo dang / zla ba dang skad cig la sogs pa grangs med pas / bskal pa chen po grangs med pa zhes bya ba dang / bskal pa chen po bgrang ba las 'das pa'i grangs med pa la / bskal pa chen po grangs med pa zhes bya ba gnyis las / 'tshang rgya ba la grangs med mang po dgos par bshad pa ltar na grangs med dang po bzung la / grangs med gsum gyis chog pa ltar na / grangs med kyi lugs phyi ma 'dzin par bzhed do / /
'di ltar byas na mdo dag las / bskal pa chen po gangg'a'i klung gi bye ma snyed las 'das pa zhes pa dang mthun par snang ngo / /
brgyad stong 'grel par grangs med gsum du bshad pa dgongs pa can yin gyi / nges don du grangs med sum cu rtsa gsum du bzhed de / ji skad du / 'di ltar bskal pa grangs med pa dang pos ni tshogs kyi sa nas brtsams [B:48b]te sa dang po'i bar du rdzogs par 'gyur ro / /
gnyis pas ni dri ma med pa'i sa nas bzung ste sa bdun pa'i bar du'o / /
yang bskal pa grangs