[A:56b]sil snyan glu dbyangs dang bcas te / bzhugs pa mthong nas / khyed ci zhig byed dris pas khyed kyis mi shes sam / 'di na sangs rgyas mar me mdzad bzhugs so zhes zer ro / /
de skyi bung zhes byed cing kye ma sangs rgyas 'byung ba ni rnyed par dka' bas / bdag gis slob dpon gyi yon ni phyis bsab par bya ste / kar sha [B:50b]pa Na lnga brgya po 'dis sangs rgyas la mchod par bya'o / /
snyam du dgongs nas bram ze'i bu mo bzang len ldan la rngan par skye ba thams cad du khyim thab tu khas blangs shin / ud pa la lnga nyos nas sangs rgyas la gtor te / krI SHNa sa ra'i pags pa bting nas / mar me mdzad de bzhin gshegs pa kun nas spyan bdag gi lhag pa'i bsam pa thugs su chud par mdzod la / ri dgas kyi pags pa 'di la zhabs bzhag par mdzod cig ces pa dang / des byon pas mnyes par byas te / ral ba gser gyi mdog can stan du bting nas / mar mer mdzad kun nas spyan 'di la zhabs mi 'jog gam / lung mi ston na 'di nyid du lus bskam par bya'o zhes yi dam b+ratn por bcas pa dang / ston pas zhabs bzhag ste / dge slong dag /
khyed kyis khye'u 'di'i skra la rdog pa ma 'jog cig /
de ci'i phyir zhe na / 'di ni lha dang bcas pa'i 'jig rten gyi mchod gnas yin te / ma 'ongs pa'i dus su / sh'akya thub pa zhes bya bar 'gyur ro / /
zhes lung bstan pa dang / dga' ches te shing ta la bdun srid du 'phags nas ting nge sadzin brgya stong yang mngon du byas nas sa brgyad pa thob ste / ji skad du / sangs rgyas mar me mdzad la ud pa la lngas / /
gtor te ral ba stan du bting byas pas / /
mi skye'i chos la bzod pa thob gyur nas /