[A:55b]yang bsdu bar / ji ltar skye ba gcig gis bla na med pa yang dag par rtsogs pa'i byang chub mngon par bsgrub tu rung ste / dgra bcom pa la ni re zhig skye ba gcig kyang med na skye ba'i rgyun lta smos kyang ci dgos she na / smras pa / tshe'i 'du byed bsrings nas mngon par sgrub par [B:50a]byed do / /
zhes bshad do / /
dbu ma pa chos kyi bshes gnyen ni / byang chub sems dpa'i dbang po dang brtson 'grus la sogs pa'i dbang gis grangs med gsum gyi nges pa med gsung ngo / /
IVAcb1b2c3. gsum pa ni / byang chub sems dpa'i sde snod bzhin du bshad na / dang po rgyal po'i pho brang rnam par rgyal ba'i rgyal mtshan du rgyal po tshe rnam par rgyal ba'i sras gzhon nu brtsan 'gras spyod ces bya bar gyur pa'i tshe / de bzhin gshegs pa phung po chen po 'jig rten du byon pa la bsnyen bkur zhing dge ba'irtsa ba bskran pa nas brtsams nas / bskal pa grangs med gcig tu tshogs bsags pas / sa dang po thob par gyur to / /
[C:75]de nas grong khyer 'dzam bu chu bo'i gser du rgyal po mdzes par snang ba'i snang chen pa / tshong dpon shes rab bzang du gyur pa'i tshe / de bzhin gshegs pa dkon mchog yan lag 'jig rten du byon pa la / bsnyen bkur zhing rjes su bstan pa mnos pa nas bzung ste / grangs med gcig tu tshogs bsags pas sa bdun non par gyur to / /
de nas bram ze'i khye'u sprin zhes bya bar gyur pas bram ze rin po che la rig byed bslab nas bsnyen bkur bya ba'i rgyu btsal ba'i phyir / yul dbus kyi grong khyer dag tu ljongs rgyur song ste / mthar gyis rgyal po dgra thul gyi pho brang pad ma can zhes bya ba'i tshong 'dus kyi dbus su phyin no / /
de'i tshe bram ze mar me'i bdag po'i sras de bzhin gshegs pa mar me mdzad 'ajigrten du byon nas nam mkha' la lha rnams me tog dang rol mo