[A:56b]sh'akya'i rgyal por 'gyur zhes nga lung bstan / zhes pa dang / lung las / gang tshe mar me mdzad kyis nga / /
lung bstan gyur pa de yi tshe / /
sa brgyad pa ni thob gyur te / /
dbang bcu dag kyang thob par gyur / /
ces so / /
de nas bzung ste grangs med gcig [C: 76]tu tshogs bsags pas / sa bcu rdzogs so / /
mchims pa ni / grangs med gsum pa'i mtha' ma de bzhin gshegs pa skar ma'i rgyal po yin par mngon zhing / de'i tshe tshogs rdzogs mod kyi / rnam pa thams cad du ma rdzogs pas bskal pa 'di'i tshe lo nyi khri pa la grong khyer nyer ldan du sangs rgyas 'od srungs byon pa'i [B:51a]tshe bram ze'i khye'u bla mar gyur pa'i bar du tshogs bsags gsung ngo / /
de dag gi skabs su'ang sangs rgyas grangs med pa bsnyen bkur zhing chos gsan te / zla ba sgron mar / sangs rgyas dag ni bye ba khrag khrig dang / /
de las lhag pa gangg'a'i bye ma snyed / /
kun kyang bya rgod phung po 'dir bzhugs te / /
mi dbang de kun nga yis bkur sti byas / /
zhes gsung so / /
IVAcc1b2. gsum pa mngon par rdzogs par sangs rgyas tshul la / a3. sangs rgyas kyi rang bzhin ngos gzung / b3. thub pa'i mdzad pa khyad par du bshad / c3. chos kyi 'khor lo'i don bye brag tu gtan la dbab pa'o / /
IVAcc1b2a3. dang po la / sangs rgyas kyis thams cad rten sku brten pa ye shes mdzad pa phrin las gsum du 'chad pa dang / sku gsung thugs yon tan las lngar 'chad pa dang / spangs rtogs 'phrin las gsum du 'chad pa dang / phun lam tshogs pa gnyis sam gsum du 'chad pa la sogs pa bshad tshul mang po gsungs la / sangs rgyas sa'i mdo las shin tu 'dus chos lngas sangs rgyas kyis bsdus te / lnga gang zhe na / chos kyi dbyings rnam par dag pa dang / me long lta bu'i ye shes dang / mnyam