[A:58a]gyur pa sku de yis / /
chos kyi rdzogs longs spyod 'di ni / /
rgyal sras rnams ni spyod pa yin / zhes sam / byang chub sems dpa' sa bcu la bzhugs pa rnams dang thabs cig ces pas so / /
sprul sku la mchog gi sprul sku ni drod yan chad nas nam 'dod du mthong zhing tshogs lam chen po nas phal cher mthong ste / rgyan nas / de ltar mthong dka'i thub pa rtag mthong [C:78]zhing / zhes pas so / /
de man chad du'ang mthong ba srid / ces 'byung ngo / /
skye ba'i sprul pa la sogs pa ni / /
gang la gang 'dul la snang ste / /
gang dang gang la gang dang ni / /
gang tshe bya ba phan gyur pa / /
de dang de la de snang ngo / /
zhes so / /
gdul bya min pa'am / mi snang bas / gdul bya rnams la mi snang ste / /
rgyan las / ji ltar chu yi snod chag na / /
zla ba'i gzugs brnyan mi snang ba / /
de [B:52b]bzhin sems cad ngan pa la / /
sangs rgyas gzugs kyang mi snang ngo / /
zhes so / /
IVAcc1b2a3e4. lnga pa dbye ba la / chos sku la / gser 'od las / de kho na nyid dang yang dag pa'i ye shes nyid tsam du gnas pa de ni chos kyi sku zhes bya'o zhes pas / chos can chos nyid dam dbyings ye shes sam / 'dus byas 'dus ma byas gnyis so / /
longs sku la dbu ma pa chos kyi bshes gnyen gyis / longs spyod rdzogs pa chen po sa bcu pa thob pa yan chad kyi yul dang / sa dang po thob pa'i byang sems yan chad kyi yul sprul sku khyad par can la longs skur btags pa gnyis so / /
zhes gsungs so / /
dang po ni nges pa lnga ldan te / gnas nges pa 'og min ni bkas bcad bar par 'og min gtsang ma'i gnas kyi logs shig na yod par bshad / lang kar gshegs par / rin chen sna tshogs mdzes pa yis / /
'og