[A:58b]min gnas ni nyams dga' bar / /
gtsang ma'i gnas kyi steng bzhugs nas / /
yang dag sangs rgyas der sangs rgyas / /
sprul pa po de 'dir 'tshang rgya / zhes pa dang / rgyad las kyang / gtsang ma'i gnas ni spangs pa na / /
zhes pa dang / slob dpon ka ma la sh'i las / 'og min zhes bya ba ni lha dag ste / /
de dag gi phyogs gcig na gnas gtsang ma'i rigs kyi lha rnams yod do / /
der 'phags pa nyid 'ba' zhig gnas so / /
dedg gi steng na dbang phyug chen po'i gnas zhes bya ba'i gnas yod de / der sa bcu la bzhugs pa'i byang chub sems dpa' srid pa tha ma ba kho na skye ba bzhes pa yin la / 'dir ni de lta bu'i sprul pa dmigs pa yin no / /
zhes bya ba'i lung yin no / /
zhes pas 'og min phal pa'i steng na yod par bshad pas / gzhi dang snying po me tog gis brgyan pa'i zhing khams nyid longs sku'i zhing du chos kyi bshes gnyen bzhed do / /
gling bzhi pa bye ba phrag brgya la stong gsum / de bye ba phrag brgya la rab 'byam gyi mtshams sbyor ba gcig / de bye ba phrag [B:53a]brgya la rab 'byam gyi rgyud gcig /
de bye ba phrag brgya la rab 'byam gyi rgyud bar ma gcig /
de bye ba phrag brgya la me tog gi gzhi'i snying po'i rgyan bkod pa ste rnam snang gi zhing / de'ang rnam snang gang can mtsho'i phyag gi mthil gyi rdul phran gcig la gnas shing rnam snang de longs skur 'dod do / /
ngo bo nges pa mtshan dpes brgyan pa / 'khor nges pa sa bcu pa'i byang sems / longs spyod nges pa theg chen gyi chos la rdzogs par longs spyod pa / dus nges pa rgyun mi chad pa'o / /
sprul sku la / bzo dang skye dang byang chub che / /
mya ngan 'das pa rtag ston pa / /
sangs rgyas sprul pa'i sku 'di ni / /
rnam par grol ba'i thabs chen no / /
zhes pas / dang po las thams cad pa'am dri zar sprul pa dang /