[A:59a]gnyis pa bya la sogs par ston pa dang / gsum pa sh'akya thub pa lta bu'am / bzhi pa myang 'das te bzhi'am / chos kyi bshes gnyen gyis rnam par smin pa yin min gnyis so / /
zhes gsungs so / /
de ltar byang sems du ma sangs rgyas pa rnams gcig kyang min la mang po'ang min zhing gcig dang tha dad gang du'ang ma grub ste / rgyan las / zag med dbyings nas sangs rgyas rnams / /
mkha' ltar lus ni med phyir dang / /
sngon gyi lus rjes 'brangs pa'i phyir / /
gcig min mang po nyid ma yin / /
zhes dang / tha dad rigs don med phyir dang / /
rdzogs dang thogs ma med pa'i phyir / /
sangs rgyas gcig min dri med gnas / /
tha dad min phyir mang po'ang min / /
zhes so / /
IVAcc1b2b3. gnyis pa ni / thub pa la mdzad pa bsam gyis mi khyab kyang grangs la dga' ba rjes su bzung ba dang gtso bo nye bar bzung nas / mkhas pa rnams kyis mdzad pa bcu gnyis su tha snyad mdzad de / pad ma'i ngang tshul gyis / sangs rgyas kyi sku'am / mdzad pa bcu gnyis la sogs pa bsam [B:53b]la bying ba zhi bar bya'o zhes dang / chos kyi bshes gnyen gyis kyang / dga' ldan gyi gnas nas babs pa la sogs pa mdzad pa bcu gnyis kyis gdu la bya smin par mdzad pa zhes bshad pa yin no / /
de la'ang rin chen phreng bar / snying rje'i dbang du gyur pa rnams / /
gshegs dang bltams dang rol pa dang / /
khab nas 'byung dang dka' spyod dang / /
byang chub ched du bdud sde 'joms / /
chos kyi 'khor lo bskor ba dang / /
lha rnams kun nas babs pa dang / /
de bzhin du ni mya ngan las / /
'das pa ston pa'i [C:80]mdzas pa yin / zhes pa la sogs pa lha las babs pa'i mdzad pa zhes gcig tu bgrang ste / de'ang rgya gar gyi grong khyer sgra can zhes bya ba'i grong khyer chen por / bcom ldan 'das kyis /