[A:5b]gi don dag dran pa dang / /
chos kyi sbyin pa dri med pas / /
tshe rabs dran pa thob par 'gyur / /
zhes so / /
IAbd1. bzhi pa ni / lhag ma'i bsam pa bskul ba'i mdo las / byams pa gang rnyed pa dang bkur sti mi 'dod par chos kyi sbyin pa byin na / chos kyi sbyin pa zang zing med pa'i phan yon nyi shu ste / nyi shu gang zhe na / 'di lta ste / dran pa dang ldan pa yin / blo dang ldan pa yin / blo gros dang ldan pa yin / mos pa dang ldan pa yin / shes rab dang ldan pa yin / 'jig rten las 'das pa'i shes rab rjes su rtogs par 'gyur ba yin / 'dod chags chung ba yin / zhe sdang chung ba yin / gti mug chung ba yin / bdud kyis de la glags mi rnyed pa yin / sangs rgyas bcom ldan 'das rnams kyis de la dgongs pa yin / mi ma yin pa rnams kyis de srung ba yin / lha rnams kyis de'i lus la mdangs 'jug pa yin / mi mdza' ba rnams kyis de la glags mi rnyed pa yin / de mdza' bo rnams dang mi phyed pa yin / tshig gzung bar 'os pa yin / mi 'jigs pa thob pa yin / yid bde ba mang ba yin / mkhas pas bsngags pa yin / de chos kyi sbyin pa de rjes su dran par 'gyur ba yin te / byams pa'i phan yon nyi shu po de dag go /
zhes pa dang / bslab btus las / chos gyi sbyin pa zang zing med / /
bsod nams 'phel ba'i rgyu yin no / /
zhes so / /
IAc. gsum pa la / a1. theg pa gsum gyis khams rtos pa / b1. mkhas par gyur pas kun gyis bkur ba / c1. bstan pa gzung bas byang chub thob pa'o / /
IAca1. dang po rnam bshad rigs par / dad pas mnyan pa gang [C:7]gis na / /
mtho ris dga' ba'i bsod nams dang / /
gang gis mya ngan 'das thos pa'i / /
shes rab