[A:6a]sa bon rtas par 'gyur / /
zhes pa [B:5b]dang / khams rtas byed dang zhes pa'i 'grel par / thos pa las byung ba'i shes rab kyis yid la byed pa'i khams rtas par 'gyur ro zhes so / /
de thos pa'i phan yon yin gyi / bshad pa'i phan yon du mi rigs te / thos pa dang bshad pa tha dad do snyam na ma yin te / kun las btus su / 'dzin pa dang kha ton byed pa dang bshad pas thos pa las byung bar blta'o / /
zhes gsungs so / /
IAcb1. gnyis pa ni / lung rnam 'byed las / mang du thos pa la phan yon rnam pa lnga yod de / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / de'i gdams ngag dang rjes su bstan pa gzhan la rag ma las pa yin no zhes so / /
skyes rabs las / thos pa gti mug mun sel sgron me yin / /
rkun po la sogs mi 'khyer nor gyi mchog /
kun tu rmongs pa'i dgra 'joms mtshon cha yin / /
thabs tshul man ngag ston pa'i grogs kyi mchog /
ces pa dang / grags dang dpal dang gter gyi mchog kyang yin / /
ya rabs rnams dang phrad na skyes kyi mchog /
tshogs kyi nang na mkhas pa dga' bar 'gyur / /
phas kyi rgol la nyi ma'i 'od dang 'dra / /
zhes pa dang / dul zhing rab tu gsal ba'i spobs pa skye / /
grags pa chen po 'phral du 'byung bar byed / /
smra lce bde 'gyur khyad par can gyi rgyu / /
thos pa'i dpal bsgoms don gsal rtogs par 'gyur / /
thos dang ldan na 'gal ba med pa yi / /
'khor gsum lam la rab tu gnas