[A:60a]bshad de / ji skad du / bye ba brgyad cur rgyal ba nyid / /
sangs rgyas nyid du bstan gyur kyang / /
da dung chog pa'i 'du shes bsal / /
byang chub mchog tu thugs kyang 'jug /
stong gsum drug cu rtsa gcig gi /
sangs rgyas zhing rnams dag gyur pas / /
ji ltar thub pa thabs mkhas pas / /
rgyal ba khyod ni kun gyis 'tshal / /
da dung dang po thugs bskyed par / /
de dang der ni yongs bstan te / /
da dung du yang 'dren pa khyod / /
sangs rgyas mang po ston par mdzad / ces so / / [C:81]
dam pa'i chos pad ma dkar po las kyang / bskal pa bye stong bsam gyis mi khyab pa / /
de yi tshad ni nam yang med pa nas / /
byang chub mchog rab 'di ni ngas thob ste / /
nga ni rtag tu chos kyang rab 'chad do / /
zhes sngar du sangs rgyas par gsungs so / /
de mnyam pa nyid la dgongs pa yin du chug na'ang / grub mtha'i 'dod tshul gsum las / nyan thos kyi lugs gong du bstan cing / theg chen gyi lugs kyis sangs rgyas rnams 'og min du sangs rgyas nas 'dod khams su mdzad pa bcu gnyis ston par gsungs te / [B:54b]lang kar gshegs par / 'dod pa'i khams dang gzugs med du / /
sangs rgyas rnam par 'tshang mi rgya / /
gzugs kyi khams kyi 'og min du / /
'dod chags bral khyod 'tshang rgya'o / /
zhes pa dang / stug po bkod pa'i mdo las / sangs rgyas thams cad 'og min du / /
sangs rgyas ma gyur 'dod khams su / /
sangs rgyas mdzad pa mi mdzad do / /
zhes dang / rgyud bla mar / thugs rje chen pos 'jig rten mkhyen / /
'jig rten kun la gzigs nas ni / /
chos kyi sku las ma g.yos par / /
sprul pa'i rang bzhin sna tshogs