[A:59b]sum cu rtsa gsum du yum 'dul ba la byon nas / de nas mar lam / bai D'urya'i skas pas la byon pa la / lha las babs pa zhes zer ro / /
thabs la mkhas pa zhes pa la sogs pa'i mdo las / dam pa'i chos nub pa la mkhas pa zhes chos nub pa'ang mazd pa gcig tu gsungs te / chos don du mi 'gyur ba na nub par bstan nas / sems can la chos spong gi las mi 'byung bar bya ba'i phyir yin te / gser 'od dam pa las / sangs rgyas mya ngan yongs mi 'da' / /
chos kyang nub par mi 'gyur te / zhes so / /
kha cig na re / dga' ldan nas 'pho ba zhes gcig tu byed pa la gzhan dag na re / de mi rigs te / mdo sde rgyan gyi 'grel par yang / dga' ldan gyi gnas na bzhugs pa la sogs pa ston pa'i sgo nas / zhes pa dang / mngon rtogs rgyan gyi 'grel par yang / dga' ldan gyi gnas na bzhugs pa la sogs pa kun tu ston par rung / zhes pa dang / rgyud blar / skye ba mngon par skye ba dang / zhes dga' ldan na gnas pa mdzad pa'i thog mar bshad [B:54a]pas so / /
zhes gsungs so / /
'on kyang dgongs pa nges 'grel gyi 'grel chen du / 'jig rten gyi khams thams cad du sprul pa'i skus dang po dga' ldan gyi gnas nas babs pa nas / tham yongs su mya ngan las 'das pa chen po ston pa'i bar gyi sangs rgyas kyi mdzad pa bcu gnyis la sogs pa cig car ston / zhes pa dang mthun par snang ngo / /
'o na mdzad pa 'di dag sangs rgyas sam byang sems gang gi mdzad pa yin zhe na / mdo yab sras mjal bar / thub pa'i dbang po 'di sngon bskal pa grangs med pa'i sngon rol du sangs rgyas dbang po'i tog ces bya bar sangs rgyas shing / da dung sangs rgya ba dang byang chub sems dpa'i tshul gyis gzhan don byed pas sprul par