[A:61a]pa'i srid pa tha ma pa'i rten la 'og min du sangs rgyas nas / gdod 'dod khams su mdzad pa bcu gnyis ston pas / thams cad sangs rgyas kyi mdzad par 'chad do / /
sh'akya bshes gnyen la sogs pa gsang ba 'dus pa'i lugs kyis / dka' ba spyod pa'i dus su rnam smin gyi lus chu bo ne ranydza ra'i 'gram du bzhag nas / ye shes kyi lus 'og min du phyin nas / longs spyod rdzogs pa'i skur sangs rgyas nas / slar ye shes dka' ba spyod pa'i lus la zhugs te / byang chub snying por gshegs pa la sogs pa mdzad pas / dka' ba spyod pa man chad byas sems / yan chad sangs rgyas su 'dod la / lo tstsha ba chen po sprul pa'i sku rin chen bzang pos kyang / sngags log sun 'byin du de ltar bshad do / /
dbu ma pa chos kyi bshes gnyen na re / 'og min du sangs rgyas nas 'dir mdzad pa ston pa thub pa 'di lta bu dang / 'dod khams nyid du mdzad pa bcu gnyis ston cing / sangs rgyas mngon du byed pa gnyis yod gsung ngo / /
gnyis pa thog pa thun mong ba'i lugs kyis mngon la kun las btus su / de bzhin gshegs pa bsam gyis mi khyab pa gang zhe na / gang dga' ldan gyi gnas na gnas pa nas bzung ste yongs su mya ngan las 'das pa'i bar du / byang chub sems dpa'i spyod pa thams cad dang / sangs rgyas kyi spyod pa yang 'dod pa'i khams su ston pa'i gang zag go /
zhes pa'i 'grel par / byang chub sems dpa'i spyod pa thams cad ces bya ba [B:55b]ni / dga' ldan gyi gnas na gnas pa nas bzung ste / bdud las rgyal ba'i bar du'o / /
sangs rgyas kyi spyod pa zhes bya ba ni mngon par rdzogs par byang chub pa nas bzung ste / yongs su